Lokale bestemmelser

• Materialkvalitetar av PVC, PE og duktilt støypejern kan brukast i heile kommunen.
• Ved dårlege grunnforhold, borehol og for sjøleidningar skal PE brukast.

Lokale bestemmelser

• Avgrensa hagevatning er tillatt, med mindre spesielle situasjonar oppstår.
• Jordbruksvanning fra kommunalt nett er ikke tillatt.

Lokale bestemmelser

Ved dimensjonering av vassleidningar vil ofte dimensjonerande vassmengde vere fastsett ut frå krav til uttak av slokkevatn/sprinklervatn. Ofte vil det kunne vere kryssande interesser mellom brannvesen/eigar av bygg og vassverkseigar med omsyn til nødvendig kapasitet. Ved vurdering av nødvendig kapasitet til slokkevatn/sprinklervatn, skal krava i Drikkevassforskrifta gå framføre krava i teknisk forskrift til Plan- og Bygningslova.

I samband med utarbeiding av teknisk forprosjekt for eit område, (jfr pkt 3.0 i denne norma), skal kommunen fastsetje nødvendig brannvassmengde. Viktige faktorar i denne vurderinga vil vere avstand mellom bygga og om det er bustadområde eller næringsområde. Alternative vasskjelder for uttak av brannvatn er og eit viktig moment.

Kommunen skal gje informasjon om kor mykje vatn som kan påreknast takast ut frå nettet ulike stader. Dersom utbyggar treng meir vatn enn dette, må han sjølv gjennomføre nødvendige tiltak t.d. eige basseng med pumpe etc.

Det blir elles synt til VA miljøblad nr 82.

Lokale bestemmelser 

Minste innvendige dimensjon er 100 mm.

Lokale bestemmelser

I Aukra, Gjemnes, Nesset og Rauma er frostfri djupne sett til 1,5 meter. I grøfter utanom veg, kan frostfri djupne reduserast etter nærare avtale med VA-ansvarleg i kommunen.

I Midsund og Vestnes er frostfri djupne sett til 1,2 meter. I grøfter utanom veg, kan frostfri djupne reduserast etter nærare avtale med VA-ansvarleg i kommunen.

Bruk av grunne grøfter og isolering/preisolerte røyr og eventuelt varmekablar skal avtalast med VA-ansvarleg i kommunen.

Ved gjennomtrekking i vegar og liknande skal det brukast kappe av PP (polypropylen) på PE røyr.

Generelt skal tekniske løsninger ved gravefrie alternativ (styrt boring m.v.), og rehabilitering av leidningsanlegg godkjennast av VA-ansvarleg i kommunen.

Lokale bestemmelser

Krav til PE røyr

Ved bruk av PE-røyr , skal faren for forureinsing i grunnen vurderast.  SDR verdi skal vere 11eller lågare. Designfaktor (sikkerhetsfaktor) skal vere 1,6 med materialkvalitet PE 100.

Ved bruk av PVC rør gjeld følgjande:

Dersom PVC-U blir brukt som leidningsmateriale skal SDR verdi vere 21 eller lågare med design faktor 2.5.

Ved trykk over 8 bar, skal trykklasse avtalast spesielt med VA-ansvarleg i kommunen.

Vassrøyr skal vere tersa m pakning under arbeid heilt fram til leidningen er ferdig montert og sett i drift.

Lokale bestemmelser

Utførande entreprenør har ansvaret for handtering og tilstand av røyra og inntil dei er overtekne av kommunen. Vassrøyr skal vere tersa/plugga i begge endar under lagring fram til montering i grøfta. Utførande entreprenør skal kontrollere røyr og kummar for feil/skadar. Eventuelle feil/skadar skal meldast skriftleg til kommunen. Stikkprøvar kan bli gjennomført av kommunen.

Ved langvarig lagring det vil seie meir enn 3 månader, skal røyra tildekkast.

Lokale bestemmelser

VA miljøblad nr 1 skal danne utgangspunktet for utforming av ventilarrangement. Det skal brukast ventiler frå Ulefos Esco, Hawle, AVK eller av tilsvarande kvalitet. Ventilane skal vere høgrestengte. Som avstengningsventilar skal det brukast glattløps sluse¬ventilar med kort byggelengde.

Lufteventilen skal vere enkeltvirkande det vil seie berre utlufting. Eventuell bruk av dobbeltvirkande ventil i kum, skal godkjennast av VA-ansvarleg. Det skal vere minimum 10 promille stigning før og etter lufteventil.

Ventil T eller ventil kryss med serviceventil skal brukast jamfør teikning A 4. Vasskum i veg.  Kummane skal tilretteleggast for pluggkøyring.

Overflatene skal innv/utv vere beskytta med min 250μm varmpålagt blå pulverepoxy. 

Alle gjengeskøytar utanfor kum skal forseglast med krympemuffe.  Alle glattløpssluser skal leverast med nøkkeltoppar.

Overflatebehandling av all armatur skal vere i samsvar med GSK-standard både med omsyn til prosess og produkt.

Boltar, skiver og mutterar av typen rustfritt syrefast stål SS2343 skal brukast i område med fare for korrosjon m.a. i nærleiken av sjø. Det skal brukast godkjent smøremiddel etter avtale med VA-ansvarleg.

Lokale bestemmelser

Generelt skal oppbygging av røyrdelar i kummen vere i samsvar med VA miljøblad nr 1.

Endeleg val av oppbygging av kum og val av røyrdelar skal skje i samråd med VA-ansvarleg i kommunen jamfør vedlegg A4 Vannkum i veg.

Lokale bestemmelser

Tilknyting til kommunalt nett skal skje i kommunal kum.  Andre løysingar skal avklarast med VA-ansvarleg i kommunen. Ved 2 eller fleire tilkoplingar skal prefabrikert modul/konsoll nyttast.

Mogleg utforming er synt på standard teikning A5. Tilknyting på undervassleidning/sjøleidning er ikkje tillatt.

I Rauma skal tilkopling skje utanfor kum som hovudregel.
  
Tilknyting skal også vere i samsvar med Standard abonnementsvilkår til kommunen.

Vatn til forbruk og sprinkleranlegg skal gå i felles leidning alternativt kan etter godkjenning av VA-ansvarleg monterast tilbakeslagsventil ved tilkoplingspunkt til kommunal leidning type BA.

Lokale bestemmelser

Forankring i kum skal skje med bruk av godkjent konsoll tilpassa aktuelle røyrdimensjonar. Bruk av kiler er ikkje tillatt. Vidare skal botnen i den prefabrikerte kummen vere tilpassa og dimensjonert for kreftene som kan oppstå.

Ved bruk av plasstøypt kum må det kunne leggjast fram dokumentasjon på tilstrekkeleg styrke på kumbotnen for innfesting av konsoll.

Lokale bestemmelser

Høgbrekk på leidning mellom kummar blir normalt ikkje tillatt.

Lokale bestemmelser

Utforming av grunnvassperre skal utformast i samsvar med standardteikning A 7 A eller A7 B i for grøfter utanom veg (i terrenget).  Avstanden mellom stengslene skal godkjennast  av VA-ansvarleg i kommunen.

Dersom etablering av grunnvassperre er nødvendig i veg, må dette avklarast spesielt med VA-ansvarleg.

Lokale bestemmelser

• Nedstigningskummer skal ikkje ha mindre diameter enn 1600 mm (runde eller firkanta kummar).  Mindre dimensjonar på kummen skal avklarast med VA-ansvarleg i kommunen.
• Det skal vere minimum 200 mm grusmasse (underbygning) frå kumkant og opp til underkant av asfaltdekke.
• Vassverkskummar skal plasserast på ein slik måte at dei let seg drenere (kummen skal vere tørr). Dersom dette ikkje let seg gjere, skal det ikkje setjast ned kummer. I staden skal det brukast forenkla kumløysing dvs. at alle leidningane og armatur ligg nedgravde og slusene blir opererte via spindelforlengarar jamfør vedlegg A 8. Dersom det er montert brannventil, må det vere eit system for nedtapping.  Ei slik løysing skal godkjennast av VA-ansvarleg.
• Alle endeleidningar skal ha kum med brannuttak eller spyleleidning. Vidare skal det monterast lufteklokke/ventil dersom leidningen ligg med stigning mot endepunktet.
• Alle vassverkskummar skal og vere tilrettelagt for pluggkøyring.
• Vasskummen skal vere frostsikker. Val av metode må avklarast med VA-ansvarleg i kommunen
• Reduksjons- og målekummar skal godkjennast av VA ansvarleg i kommunen.

I tillegg gjeld for kommunane Aukra, Gjemnes, Nesset, Rauma og Vestnes:

Utgangspunktet  er alt armatur i kummer kunne handterast frå bakkenivå. Det skal som hovudregel brukast flatt lokk med sentrisk hol som er plassert over armaturen for kummar inntil 2,0 meter djupe.  For djupare kummar skal det som hovudregel brukast eksentrisk kjegle.

I tillegg gjeld for Midsund kommune:

I utgangspunktet skal alt armatur i kummar kunne betenast frå bakkenivå. For kummar med brannventil skal det vere sentrisk kjegle med 800 mm lokk plassert over ventilen. Bruk av kapsellok skal vurderast.  For kummar utan brannventil kan andre løysingar vere aktuelle etter avtale med VA-ansvarleg i kommunen.

Lokale bestemmelser

I utgangspunktet er det tilstrekkelig med 150 meter avstand mellom vasskummar med uttak av brannvatn. I område med høg risiko til dømes industriområde (§ 13 objekt), kan det vere aktuelt med mindre avstand/plassering mellom uttak av brannvatn.

I område med redusert risiko/behov kan avstanden aukast etter nærare avtale med VA-ansvarleg i kommunen. Brannslukking er og til dels basert på tankbilar. Anna slokkeberedskap blir tilpassa  behov.

Omfanget av og avstand mellom vasskummar skal avklarast med VA-ansvarleg jamfør vedlegg B1. Krav til teknisk forprosjekt.

Lokale bestemmelser

Det skal monterast brannhydrantar ved strategiske viktige punkt. Dette gjeld m.a. ved skole, eldresenter, industribygg, sjukehus og elles der kommunen finn det føremålstenleg. Det skal alltid vere stengeventil på tilførselsleidning til hydranten.

I utgangspunktet skal det brukast brannhydrantar som er knekkbare. Brannventiler skal vere stengbare og ha beskyttelseslokk .

Detaljert utforming av teknisk løysing skal avgjerast av VA-ansvarleg i kommunen.

Lokale bestemmelser

Før trykkprøving ved nyanlegg kan gjennomførast, skal leidningen vere pluggkjørt.

Anleggseigar skal varslast og ha høve til å vere til stades når trykkprøving skal utførast. Prøvinga skal gjennomførast etter gjenfylling, men før sluttdekke er lagt.

Lokale bestemmelser

Utforming av pumpestasjonar i vassforsyninga skal vere i samsvar med vedlegg B3; Retningslinjer for utforming av pumpestasjoner vassforsyning. For mindre stasjonar kan enklare utrusting vere aktuelt etter avtale med VA-ansvarleg.

VA-ansvarleg skal godkjenne endeleg utforming av pumpestasjonen.

Lokale bestemmelser

Det skal normalt brukast speilsveisa PE-leidning under vatn. Andre løysingar til dømes elektromuffer, skal godkjennast av VA-ansvarleg. Avgreiningar i sjø blir ikkje godkjent.

Leidninga skal vere nedgravd i strandsona ned til 2 meter under sjøkart null (lågaste astronomiske tidevatn LAT).

Undervassleidningar skal vere utstyrt  med belastningslodd som tilsvarer 30 % luftfylling av leidninga.

I område med sterk straum, utsette område, elvekryssingar m.v. vil nødvendig vektbelastning vere høgare. I slike tilfelle vil også styrt boring vere eit alternativ. Val av teknisk løysing må avklarast med VA-ansvarleg.

Det blir og vist til VA-miljøblad nr 80. legging av undervassleidningar. Senking av leidning.

Lokale bestemmelser

Ved omlegging av vassleidning gjeld dei same krava til utføring som ved reparasjon.

Lokale bestemmelser

Vassinstallasjonar skal utførast slik at tilbakestraum av ureine væsker eller gassar ikkje kan skje. Dette gjeld også for tilbakesug eller inntrenging av vatn frå andre vasskilder.

Aktuelle sikringsmetodar går fram av VA miljøblad nr 61 med følgjande presisering: Væskekategori nr 5 m.a. avløpspumpestasjonar kan sikrast med AF(luftgap med overløp) eller BA (Kontrollerbar tilbakeslagssikring).

Val av metode skal godkjennast av VA-ansvarleg.

Om mogleg skal ringleidningsystem etablerast.