Kommunalteknisk VA-norm
6 Transportsystem - spillvatn
Generelle vilkår
Spillvassleidningar skal utformast med sikte på å unngå tilstopping. Det skal vere tilrettelagt for høgtrykksspyling/suging, røyrinspeksjon og framtidig rehabilitering.
Det skal normalt være same røyrtype/røyrdimensjon mellom kummar. Ved reparasjon og utskifting av røyr skal dette utførast slik at innvendig røyrdimensjonen ikkje blir endra.
Lokale bestemmelser
Nyanlegg og omleggingar av eksisterande anlegg skal byggast som separatsystem. Overvatn skal ikkje leiast inn på spillvassystemet.
Funksjonskrava gjeld også for eksisterande fellesleidningar ved reperasjon, det vil seie avløpsleidningar som fører både spillvatn og overvatn.
6.1 Val av leidningsmateriale
VA/Miljø-blad nr. 30, Valg av rørmateriell, skal være rettleiande. Eigna dimensjonar, pris, omsyn til lagring og reparasjonsrutinar må og vurderast.
Kontakt VA-ansvarleg i kommunen for meir informasjon.
Lokale bestemmelser
Følgjande strategi skal liggje til grunn ved val av leidningsmateriell:
- PVC-U
- PE – for anlegg under vatn, område ved høg grunnvasstand og kryssingar i varerøyr
Leidningsmateriale av PP kan brukast etter nærare avtale med VA-ansvarleg i kommunen. I område med mykje trafikk, overdekking meir enn 2,5 meter eller diameter større enn 315 mm skal materialval avklarast med VA-ansvarleg i kommunen.
Fleirlagsrør (multilayer- eller coex-rør) i samsvar med NS-EN 13476-2 blir ikkje tillatt brukt.
6.2 Utrekning av spillevassmengder
Spillvassanlegg skal dimensjonerast for største forventa tilrenning. Mogleg framtidig auke i spillvassmengda skal takast med i utrekningane.
For verksemder med særlig stort spillvassavløp kan ein setja ei øvre grense for påsleppet til offentlige avløpsanlegg, sjå bestemmelsar om offentlige avløpsanlegg i forurensingsforskrifta (§ 15A). Dette medfører at verksemda må byggja til dømes basseng, som utjamnar toppar i spillvassmengda.
Spillvassmengder skal utreknast etter nærmere avtale med VA-ansvarleg i kommunen.
Lokale bestemmelser
Utrekning av personekvivalentar skal utførast i samsvar med Norsk Standard NS 9426. Spillvassmengder skal utreknast etter planlagt behov. Sjå pkt. 3.3.2. Beregning av vannforbruk.
Innlekking skal vurderast og takast med i utrekninga.
6.3 Dimensjonering av spillevassleidningar
Spillvassanlegg skal dimensjonerast for største forventa tilrenning. Mogleg framtidig auke i spillvassmengda skal takast med i utrekningane.
Lokale bestemmelser
Ved dimensjonering av spillvassleidningar skal det takast spesielt omsyn til framtidige spillvassmengder og utbygging av hovudnettet i området jamfør punkt 3.0.
6.4 Minstedimensjonar
Minste dimensjon for offentleg spillvassleidning skal som hovudregel vere 150 mm.
Lokale bestemmelser
Andre dimensjonar kan godkjennast etter nærare avtale av VA-ansvarleg.
6.5 Minimumsfall/sjølvreinsing
Ved fall mindre enn 10 ‰ skal sjølvreinsing dokumenterast via skjærkraft berekningar. Endeleidninger skal vurderast spesielt i samband med sjølvreinsing.
Det er viktig at ein ikkje får motfall og svankar ved legging av spillvassledningar. Toleransekrav til legginga er difor viktig, sjå NS 3420, kapittel H3.
VA-ansvarleg i kommunen skal godkjenne minimumsfall.
Lokale bestemmelser
Både sjølvfallsleidningar og trykkleidningar skal vere sjølvreinsande. Minimum 1 gong i døgnet bør vassmengda i leidninga vere stor nok til at sjølvreinsing blir oppnådd.
VA-ansvarleg skal godkjenne teknisk løysning.
6.6 Styrke og overdekking
Trykkleidningar skal ikkje utsetjast for høgare innvendig trykk enn nominelt trykk, PN. Trykkstøyt skal ikkje overskride nominelt trykk.
Kommunale leidningaer skal normalt leggjast med ei overdekking på mellom 1,5 og 2,5 meter under ferdig opparbeida veg/terreng. Ved stor leggedjupne må ansvarleg prosjekterande kontakta leverandør for å avklare om leidningen har tilstrekkelig styrke.
Sjå VA/Miljø-blad nr. 10 (PT), 11 (PT), 12 (PT), 13 (PT), 14 (PTA), 15 (PTV) og 16 (PT), avsnitt om styrke og overdekning. Sjå og NS-EN 1295-1. Styrkeberegning av nedgravde rørledninger under forskjellige belastningsforhold.
Lokale bestemmelser
Når spillvasssleidningen ligg i eiga grøft gjeld følgjande krav til frostfri djup:
- I Aukra, Gjemnes, Nesset og Rauma er frostfri djupne sett til 1,5 meter. I grøfter utanom veg, kan frostfri djupne reduserast etter nærare avtale med VA-ansvarleg i kommunen.
- I Midsund og Vestnes er frostfri djupne sett til 1,2 meter. I grøfter utanom veg, kan frostfri djupne reduserast etter nærare avtale med VA-ansvarleg i kommunen.
- Bruk av grunne grøfter og isolering/preisolerte røyr og eventuelt varmekablar skal avtalast med VA-ansvarleg i kommunen. Ved gjennomtrekking i vegar og liknande skal det brukast kappe av PP (polypropylen) på PE røyr.
- Generelt skal tekniske løysingar ved gravefrie alternativ (styrt boring m.v.), og rehabilitering av leidningsanlegg godkjennast av VA-ansvarleg i kommunen.
6.7 Røyrleidningar og røyrdelar
Krav til leidningsmaterial og eksempel på kravspesifikasjonar i:
- VA/Miljø-blad nr. 10, PT. Kravspesifikasjon for rør og rørdeler av PVC-U materiale
- VA/Miljø-blad nr. 11, PT. Kravspesifikasjon for rør og rørdeler av PE materiale
- VA/Miljø-blad nr. 12, PT. Kravspesifikasjon for rør og rørdeler av PP materiale
- VA/Miljø-blad nr. 13, PT. Kravspesifikasjon av rør og rørdeler av GRP materiale
- VA/Miljø-blad nr. 14, PTA. Kravspesifikasjon for betong avløpsrør
- VA/Miljø-blad nr. 16, PT. Kravspesifikasjon for duktile støpejernsrør
For alle VA/Miljø-blad er det den generelle teksta og krava til trykklause røyr som gjeld for avløpsleidningar. Ved pumpeleidningar, sjå trykkrøyr.
Kommunen avgjer val av leidningsmateriell.
Lokale bestemmelser
Spillvassleidningar skal ha ein rødbrunfarge eller rødbrun stripe/merking.
Spillvassrøyra skal vere tersa med pakning under arbeid heilt fram til leidninga er ferdig montert og sett i drift. Vidare skal stigerøyra på tilsvarande måte vere tersa under arbeid slik at singel/andre uønska ting ikkje kjem inn på leidningsnettet.
6.8 Mottakskontroll
Utførande entreprenør skal stadfeste mottak og kontroll av alle leveransar skriftleg. Utførande har deretter ansvaret for vidare handtering og tilstand.
Lokale bestemmelser
Utførande entreprenør har ansvaret for handtering og tilstand av røyra og inntil dei er overtekne av kommunen. Avløpsrøyr skal vere tersa/plugga i begge endar under lagring fram til montering i grøfta. Utførande entreprenør skal kontrollere røyr og kummar for feil/ skader. Evt. feil/ skadar skal meldast skriftleg til kommunen. Stikkprøvar kan bli gjennomført av kommunen.
Ved langvarig lagring det vil seie meir enn 3 månader, skal røyra tildekkast.
6.9 Tilknytning av stikkleidningar/avgreining på kommunal spillvassleidning
Private stikkleidningar skal normalt koplast til kommunal spillvassleidning utanfor kum. For nyanlegg skal det nyttast grenrøyr, elles kan ein nytta anboring (sadelgren, kort mufferøyr eller Polva).
Der det er ledige og gode prefabrikerte renneløysinger i kum, kan VA-ansvarleg i kommunen gje løyve til at desse blir brukt til tilknyting av stikkleidningar. Avgreining skal utførast i kum for leidning med innvendig dimensjon frå og med 150 mm. Tilknyting/avgreining skal utførast i samsvar med VA/Miljø-blad nr. 33, UTA. Tilknytning av stikkledning til hovedavløpsledning.
Krav til innmåling:
- Avgreining utanfor kum skal innmålast med X-, Y- og Z-koordinatar.
- For anboring målar ein avstand med bandmål frå senter kumlokk på næraste kum til anboringspunkt.
Lokale bestemmelser
Tilknyting til nytt kommunalt nett skal skje i kummar. Tilknyting med greinrøyr utanom kum skal godkjennast av VA-ansvarleg i kommunen. Der spillvassleidningen blir tilkopla kommunal avløpsleidning utanom kum, skal det etablerast eit stakekum/spylegren. Mogleg utforming er synt på standard teikning A6.
For Rauma kommune kan tilknyting til nytt offentlig nett skje både i kum og ved greinrør. Valt løysing skal godkjennast av VA ansvarleg.
Ved tilknyting av stikkleidning må kjellargolv og/eller vasstand i lågaste monterte vasslås liggje minst 900 mm høgare enn innvendig topp hovudleidning, målt ved avgreiningspunktet mellom stikkleidning og hovudleidning.
Tilknyting skal også vere i samsvar med kommunen sitt abonnementsvilkår/avtaleverk for tilknyting til kommunalt VA-anlegg. Tilknyting på undervassleidning/sjøleidning er ikkje tillatt.
6.10 Leidning i kurve
Som hovudregel skal spillvassleidning leggjast i rett line mellom kummane, både horisontalt og vertikalt. Etter avtale med VA-ansvarleg i kommunen kan det gjevast løyve til å leggje leidninga i kurve. Leidninga skal då målast inn (x, y, z) kvar 10. meter.
Avvinklinga skal ikkje vera større enn 50% av det produsenten oppgjev som maksimum.
6.11 Bend i grøft
Bend i grøft er ikkje tillatt. Vinkelendring i samband med kummar blir bestemt i samråd med VA-ansvarleg i kommunen.
Lokale bestemmelser
Retningsendring i horisontalplanet inntil 30 grader er tillatt. Utforming av tekniske løysingar ved større retningsendringar (meir enn 30 grader) i vertikalplanet skal avklarast med VA-ansvarleg i kommunen.
Langbend skal brukast. Bruk av kortbend til dømes i samband med rehabilitering skal godkjennast av VA-ansvarleg i kommunen.
Tekniske løysingar for retningsendringar for pumpeleidningar skal godkjennast av VA-ansvarleg.
6.12 Trasé med stort fall
Dersom leidningstraseen har større fall enn 1:5 (200 ‰) skal det brukast røyr med strekkfaste skøytar, alternativt heilsveist røyr (stål og PE, PP) og/eller fallkum.
Ved fare for stor grunnvass-straum i grøfta skal det lagast grunnvass-sperre av betong eller leire.
Røyrgjennomføring gjennom betong skal utførast som vist i VA/Miljø-blad nr. 9, UTV Rørgjennomføring i betongkum. Ved fare for ras i gjennfyllingsmassane langs traseen må sperra lagast i betong og forankrast i faste massar.
Endeleg løysing skal avtalast med VA-ansvarleg i kommunen.
Lokale bestemmelser
Utforming av grunnvassperre skal utformast i samsvar med standardteikning A 7 A eller A7 B i for grøfter utanom veg (i terrenget). Avstanden mellom stengslene skal godkjennast av VA-ansvarleg i kommunen.
Dersom etablering av grunnvassperre er nødvendig i veg, må dette avklarast spesielt med VA-ansvarleg.
6.13 Avløpskummar
Nedstigningskummar skal ikkje ha mindre diameter enn 1000 mm. For dei minste røyrdimensjonane bør renner utførast i same materiale som røyrleidningen (ved bruk av PVC-røyr kan renner i PP aksepterast).
Montering av kumramme og kumlok skal utførast i samsvar med VA/Miljø-blad nr. 32, UT. Montering av kumramme og kumlokk. Kummen skal vere tett.
Bruk av minikummar skal avtalast med VA-ansvarleg i kommunen.
Lokale bestemmelser
I større forgreiningspunkt skal det som hovudregel brukast nedstigningskum med diameter minst 1200 mm.
Dersom minikummar blir brukt, skal diameteren som hovudregel vere 600 mm.
Ved retningsendringer på hovedledning, skal det brukast rettlinja renneløp. Renneløp som ikke blir brukte skal tettast slik at god hydraulisk vassføring blir sikra. Årsaka til dette er å unngå tilstoppinger/oppsamling av avløpssøppel.
6.14 Avstand mellom kummar
Maksimal avstand mellom avløpskummar er 80 m.
Lokale bestemmelser
Normalt skal maksimal avstand mellom kummar ikkje overstige 50 meter.
6.15 Røyrgjennomføringar i betongkum
Rørgjennomføring i betongkum skal gjerast i samsvar med VA/Miljø-blad nr. 9, UT Rørgjennomføring i betongkum.
6.16 Renovering av avløpskummar
Renovering av avløpskummar skal gjerast i samsvar med VA/Miljø-blad nr. 2, UTA. Renovering av kum.
Lokale bestemmelser
Renoveringsløysing skal avklarast med VA-ansvarleg.
6.17 Tettheitsprøving
Tettleiksprøving av leidninger skal gjerast i samsvar med NS-EN 1610. Metoden for utføring av tettleiksprøving av sjølvfallsleidningar etter NS-EN 1610, er nærare forklart i VA-Miljø-blad nr 24, Tetthetsprøving av selvfallsledninger.
Tettleiksprøving av kummar skal utførast i samsvar med VA/Miljø-blad nr. 63, Tetthetsprøving av kum.
Lokale bestemmelser
Før trykkprøving ved nyanlegg kan gjennomførast, skal leidningen vere pluggkøyrt.
Anleggseigar skal varslast og ha høve til å vere til stades når trykkprøving skal utførast. Prøvinga skal gjennomførast etter gjenfylling, men før sluttdekke er lagt.
VA-ansvarleg i kommunen kan etter nærare avtale la kravet til tetthetsprøving gå ut. Dette vil særleg vere aktuelt på kortare leidningsstrekk.
Alle nye leidningar skal kontrollerast med videokamera. Ekstra røyrinspeksjon av leidningar kan krevjast før overtaking der anleggseigar har hatt merknader. Kontroll skal utførast i samsvar med VA/Miljø-blad 51 Rørinspeksjon med videokamera av avløpsledninger.
6.18 Pumpestasjonar spillvatn
Kontakt VA-ansvarleg i kommunen for nærare informasjon.
Lokale bestemmelser
Utforming av pumpestasjonar på avløpssektoren skal vere i samsvar med vedlegg B4; Retningslinjer for utforming av pumpestasjoner avløp.
VA-ansvarleg skal godkjenne endeleg utforming av pumpestasjonen.
6.19 Leidningar under vatn
Spillvassleidningar under vatn skal ha spesiell godkjenning av VA-ansvarleg i kommunen.
Leidningar under vatn skal leggast og utførast i samsvar med VA/Miljø-blad nr. 44, UT Legging av undervannsledninger, og VA/Miljø-blad nr. 46, UT Utløp under vann.
For søknad om løyve til legging av undervassleidning, sjå VA/Miljø-blad nr. 41 PT, VA-ledninger under vann. Søknadsprosedyre.
Lokale bestemmelser
Avløpsleidninga skal ha belastningslodd som tilsvarar minst 75% luftfylling i leidninga.
Leidninga skal vere nedgravd i strandsona ned til 2 meter under sjøkart null (lågaste astronomiske tidevatn LAT)/ca. kote minus 3,5 NN2000. Det blir og vist til VA-miljøblad nr 80. Legging av undervannsledninger. Senking av vannsledning
Det skal normalt brukast speilsveisa PE-leidning under vatn. Andre løysingar til dømes elektromuffer, skal godkjennast av VA-ansvarleg.
Spillvassleidningar under vatn skal vere tilrettelagt for pluggkøyring i begge retningar.
6.20 Sand- og steinfang
Sand- og steinfang skal etablerast for oppsamling av sand og grus i leidningsnettet. Dette er påkrevd der avløp går inn på pumpestasjon/trykk-kummar. I nye utbyggingsområde bør midlertidig steinfangskum etablerast der det nye
leidningsnettet blir knytt til det eksisterande.
Lokale bestemmelser
Der nye utbyggingsområde blir tilknytta eksisterande avløpsnett, skal steinfangkum vurderast etablert i samråd med VA-ansvarleg. I tilknyting til steinfangkummen skal det vere høve til omløp eller tilsvarande slik at ordinær drift kan oppretthaldast i samband med reingjering/vedlikehald.
Utforming av sand- og steinfang kum skal i så fall være i samsvar med vedlegg A 9 Steinfelle. Kor vidt det skal brukast betong eller PE som materiale i kummen blir avgjort av VA-ansvarleg.
6.21 Trykkavløp
Trykkavløpssystem basert på kvernpumper skal dimensjonerast og utførast i samsvar med VA/Miljø-blad nr. 66.
6.22 Andre krav
Lokale bestemmelser
Overløp frå avløpspumpestasjonar/reinseanlegg skal vere tilknytta drifts- og fjernkontrollanlegg til kommunen.