Aukra kommune

Aukra kommune har påvist intestinale enterokokkar på to av dei faste målepunkta. Det er difor innført kokevarsel for heile kommunen.

Kokevarselet gjeld alle abonnentar i kommunen.

Inntil vidare må alt vatn som skal nyttast til drikke, matlaging eller andre føremål der vatnet kjem i kontakt med næringsmiddel, kokast. Vatnet skal fosskokast i minst eitt minutt for å vere helsemessig trygt.

Kommunen vil sende ut ny informasjon så snart situasjonen endrar seg, og kokevarselet kan opphevast.

Aukra kommune har sett i verk tiltak for å avklare pågåande situasjon med kokevarsel i kommunen. Bakgrunnen for kokevarselet er at det på rutinemessige vassprøver førre veke vart påvist intestinale enterokokker på to av prøvepunkta våre. Slike bakteriar har ein grenseverdi på 0 og skal ikkje førekomme i drikkevatn. Dersom intestinale enterokokker blir påvist, er kommunen pålagd å sende kokevarsel til alle abonnentar som potensielt kan ha fått vatn via dei aktuelle prøvepunkta. 

For å kunne oppheve eit kokevarsel må det ligg føre godkjende vassprøver frå dei same prøvepunkta to påfølgjande dagar. Kommunen har fått tilbakemelding på den første oppfølgingsprøva og den viser ingen teikn til forureining. Det er venta tilbakemelding på andre oppfølgingsprøve i løpet av tysdag ettermiddag. Ved eventuell oppheving av kokevarsel vil kommunen sende SMS til alle abonnentar. Det blir presisert at kokevarselet er gjeldande inntil ny informasjon blir gitt.