Tilskot til drenering 

Om tilskot til drenering

Føremålet med ordninga er å auke kvaliteten på tidlegare grøfta jordbruksjord ved å gje tilskot til drenering av dårleg drenert jord med potensial for auka matproduksjon, samt å redusere faren for erosjon og overflateavrenning av næringsstoff til vassdrag. Det blir ikkje gjeve tilskot til nydyrking.  

Kven kan søke om tilskot til drenering? 

• Føretak som eig eller leiger jordbruksareal som tidlegare er grøfta, kan søke om tilskot til drenering
• Det kan òg bli gjeve tilskot til eigar av jordbruksareal som vert leigd ut
• Du treng ei plan for drenering med kart der dreneringspunkt er teikna inn

Meir informasjon om tilskot til drenering

Tilskot til spesielle miljøtiltak i jordbruket (SMIL-midlar)

Om SMIL-midlar

Føremålet med SMIL-midlar er å fremme natur- og kulturminneverdiane i jordbrukets kulturlandskap og redusere forureininga frå jordbruket. Du kan søke om SMIL-midlar for å gjennomføre miljøtiltak utover det som er forventa av vanleg jordbruksdrift.

Du kan søke tilskot til

• Å redusere forureining
• Å ta i vare natur- og kulturminne i jordbrukets kulturlandskap
• Miljøtiltak utover vanleg jordbruksdrift
• Planlegging- og tilretteleggingsprosjekt

Kven kan søke om SMIL-midlar?

• Privateigde landbrukseigedommar som oppfyller vilkåra i forskrift om produksjons- og avløysertilskot i jordbruket
• Ved søknad om tiltak på leigejord må det føreligge løyve frå eigar
• Frå og med 2020 er det ikkje lenger krav om at søkar må ha eit føretak for ha rett på tilskot

Meir informasjon om SMIL-midlar

Søknadsfrist for tilskot til drenering og SMIL-midlar

Søknadsfrist for begge tilskot er 1. april 2023. Om søknadar kjem seinare på året, kan midlane vere brukt opp eller trekt inn, men vi løyver tilskot så lenge vi har midlar.

Korleis søke om tilskot til drenering og SMIL-midlar

Du må søke elektronisk på Landbruksdirektoratet sine sider.

Søk om tilskot til drenering

Søk om SMIL-midlar

Kontakt ved spørsmål om tilskot til drenering og SMIL-midlar

Ta gjerne kontakt med landbrukskontoret om du har fleire spørsmål kring ordningane. 

Kontakt landbrukskontoret