Varsel om vegarbeid ved vegkryss Hollingen med oppstart april 2023OPPDATERT: Arbeidet er forsinka. Oppstart var planlagt 11. april. Ny dato er 21. april. Artikkelen er oppdatert med nye datoar. Aukra kommune skal i samarbeid med Møre og Romsdal fylkeskommune starte opp arbeidet med trafikktryggingstiltak ved vegkryss Hollingen. Oppstart for prosjektet er i veke 17. Rigging av utstyr og maskiner vil skje tysdag 21. april 2023. Oppstart av grunnarbeidet vil skje etter det. Om tiltaket Det blir gjennomført tiltak på begge sider av vegen ved krysset FV662/529. Det blir aktivitet med graving langs og i gang- og sykkelvegen. Graveentreprenøren vil tilpasse sin aktivitet slik at det ikkje kjem i konflikt med skolestart og skoleslutt. Elles vil det bli lagt til rette for mjuke trafikantar med fysisk sikring. Arbeida er planlagt ferdig stilt i veke 20. Gang- og sykkelveg Sør ("GS-Veg sør" i teikning) Det er planlagt oppstart på gang- og sykkelveg sør i veke 17. Denne delen av gang- og sykkelvegen blir ein heilt ny veg langs FV662 inn mot Julsundet torg. Gang- og sykkelveg Nord ("GS-Veg nord" i teikning) Tiltak på gang- og sykkelveg nord skal bli gjennomført i veke 18. Han er planlagt flytta og tilrettelagt med sving for fartsregulering og betre sikt inn i vegkryss. Varsel om hindringar på skoleveg Skolevegen for elevar frå Torhaugmyra eller Hustadvika vil bli berørt av arbeidet. Det kan bli hindringar i trafikken mens arbeidet pågår. Entreprenøren vil tilpasse sin aktivitet slik at det ikkje kjem i konflikt med skolestart og skoleslutt. Publisert 04.04.2023 11.06 Sist endra 20.04.2023 14.58