Øvst frå venstre: Hovudtillitsvalt Eli Åse Gravdehaug, kommunedirektør i Hustadvika Per Sverre Ersvik, kommunedirektør i Rauma Toril Hovdenak, kommunedirektør i Molde Marianne Stokkereit Aasen, kommunedirektør i Vestnes Kristian Skålhavn, kommunedirektør i Aukra Gerd Marit Langøy, representant frå Helseplattformen Ulf Dahl Ryen, innføringsleiar i Rauma Caroline Helland. Nedst frå venstre: Innføringsleiar i Molde Ingebjørg Nergaard, innføringsleiar i Hustadvika Katrin Markusdottir, innføringsleiar i Vestnes Mein Kristina Kleiva, innføringsleiar i Aukra John Helge Frøystad og regional innføringsleiar i Romsdal Gøril Groven

Den offentlege helsetenesta eigar Helseplattformen

Helseplattformen skal blant anna gje betre informasjonsflyt i helsetenesta og bidra til auka pasienttryggleik. Selskapets eigarar er Helse Midt-Norge RHF og alle kommunar som tek i bruk løysinga.

Enn så lenge har Trondheim kommune og laboratoria på sjukehusa i Midt-Noreg teke i bruk systemet. Alle sjukehus i regionen skal bruke systemet, og alle kommunar som vedtek det får dermed for første gang ei felles løysing med spesialisthelsetenesta.

Følgjer pasienten

Med Helseplattformen er Midt-Noreg utprøvingsregion for det nasjonale målet «Éin innbygger – éin journal». Både førre og noverande regjering har understreka viktigheita av prosjektet. Visjonen er ein journal som følgjer pasienten, mens vi i dag har helseopplysningane våre spreidd i ulike system hos dei ulike tenestene.

Digitalisering av helsetenesta pågår i stort tempo, men Midt-Noreg ligg fleire år foran resten av landet og er einaste region med same løysing for sjukehus og kommunal helse og velferd. I dei andre helseregionane har sjukehusa valt å vidareutvikle dagens system og ikkje ha ei felles løysing med kommunane.

Kommunane utanfor Midt-Noreg er invitert til å vere med i Felles kommunal journal, eit prosjekt som for tida er på utgreiingsstadiet. Helse- og omsorgsministeren har understreka at dette ikkje er eit alternativ for kommunane i Midt-Noreg.

HelsaMi for alle

Pasientorganisasjonane er svært støttande til Helseplattformen. Systemet har sin eigen innbyggarportal HelsaMi, der pasientar og pårørande vil få ein mye tettare kontakt med helsetenesta enn i dag. Det blir enkelt å sjå sin eigen journal og sine eigne oppdaterte helseopplysningar. Legemiddelliste oppdatert i sann tid er ein av nyvinningane, ein annen er svangerskapskortet for gravide som nå endeleg kjem i digital versjon.

Du kan allereie no laste ned HelsaMi på telefonen. Appen vert fylt med meir innhald etter kvart som fleire sjukehus og kommunar tek han i bruk.

Les meir om HelsaMi

Innføringsplanen

Helseplattformen inneber nye måtar å jobbe på for helsepersonell. Dette krev førebuing og opplæring. Materiell og kursopplegg ligg klart og planlegging vert gjort av kommunen sitt eige innføringsprosjekt.

Per 1. oktober 2022 har 45 kommunar starta sine førebuiingar, mens 18 av desse har inngått det forpliktande samarbeidet som tenesteavtalen inneber. Kommunane har eit samarbeidsråd leia av kommunedirektøren i Kristiansund, og består av ei rekke kommunale leiarar. Rådet har gjeve premissar for innhaldet i tenesteavtalen. Kommunane har sjølv delteke i utforming av innføringsplanen, der dei koplar seg på i ulike puljar.

Planen ser førebels slik ut:

• 12. november 2022: Åfjord, Indre Fosen, Ørland, Holtålen, Os og Røros saman med St. Olavs hospital
• Februar 2023: Levanger og Verdal saman med sjukehusa i Helse Nord-Trøndelag (Levanger og Namsos)
• April 2023: Ålesund kommune saman med sjukehusa i Helse Møre og Romsdal
• November 2023: Kristiansund, Hustadvika, Molde, Rauma, Aukra, Vestnes, Fjord, Rindal og Sula.

Meir informasjon

Du kan lese heile artikkelen på Helseplattformen si heimeside.

Les heile artikkelen om signering av tenesteavtalen med Helseplattformen

Meir informasjon om Helseplattformen