Foreldrekurs på Barnebo barnehage vinteren 2023 - TrygghetssirkelenKurstilbodet for foreldre i Circle of Security (COS-P) startar opp igjen januar 2023. Kurset går i regi av Barnebo barnehage.Om kurset Kurset er gruppebasert og går over åtte gonger. Kvar kurskveld vil vare i ca. 1,5-2 timar. Alle kan melde seg på - barnehage ønskjer at begge foreldre deltek, men dersom det ikkje er mogleg, kan ein av foreldre melde seg på. For å få fullt utbytte av kurset forpliktar du deg til å møte opp alle åtte kveldane. Ved sjukdom eller anna fråvær vert det ein kort gjennomgang i forkant av kurskvelden veka etter, då bolkane byggjer på kvarandre. Kva er Trygghetssirkelen/COS-P? Trygghetssirkelen/Circle of security-parenting (COS-P) Tryggleik er viktig for at barn skal trivast og utvikle seg. Men korleis vert tryggleik utvikla ? Korleis påverkar barnet meg, og eg barnet? Korleis kan eg bli meir bevisst i foreldrerolla mi, forstå kva behov barnet signaliserer, og møte det på ein god måte slik at barnet får ei trygg tilknyting. Målet er at barna skal få hjelp til å kjenne seg trygge, få betre sjølvkjensle og betre psykisk helse. På den måten kan dei stå sterkare rusta til å møte utfordringane i liva sine. COS-P er basert på over 50 års forsking på kva som gjev barn ei trygg tilknyting til sine næraste omsorgspersonar. Sirkelen hjelper oss å forstå barnets behov, og kva for støtte og hjelp dei treng. På kurset vil de blant anna lære meir om tryggleikssirkelen og vegen til tryggleik, barnet sitt behov rundt tryggleikssirkelen, om å vere saman med barnet på sirkelen, utforske det vi strevar med, og brudd og reparasjon. Kva kostar kurset?Kurset er gratis. Kursdatoar vinteren 2023Kurset går over åtte måndagar mellom kl. 18.00 - 20.00 slik: 9. januar 16. januar 23. januar 30. januar 6. februar 13. februar 20. februar* 27. februar (6. mars)**20. februar er det vinterferie. Dersom nokon er bortreist då, vil vi hoppe over den måndagen og ta den igjen 6. mars.KurstadKurset vert halde i salen på Aukratun.Påmelding kurs vinteren 2023Vi har eit maks tal på deltakarar i gruppa. Alle kan melde seg på. Vi ønskjer at begge foreldre deltek, men er dette ikkje mogleg kan ein av forledra melde seg på. I påmeldinga skriv du namnet til den/dei som skal delta. Det er bindande påmelding. Påmeldingsfrist var torsdag 15. desember 2022, men det er framleis mogleg å melde seg på.Meld deg på kursetHar du spørsmål?Har du spørsmål om kurset, kan du ta kontakt med assietrande styrar for Barnebo barnehage Hanne M. S. Skarshaug eller pedagogisk leiar Heidi M. Ilestad.Ta kontakt med HanneTa kontakt med HeidiErfaringar frå 2021-kurset Erfaringar frå 2021-kurset Her er nokre sitata frå foreldre som har vært på kurs i 2021. "Etter å ha gått ferdig kurset så ser jeg nå barnas følelser og behov fra et mer utvidet perspektiv enn før, dette gjør at jeg kan møte dem på en enda mer helhetlig måte enn tidligere. Og det var spennende å lære mer om hvordan egne erfaringer og tanker kan ubevisst påvirke vår relasjon til barnet. Dette er det mest matnyttige kurset jeg har vært på. Tusen takk!" "Dette var forebyggande psykisk helse både for foreldre og born." "Kurset ga rom for/var mykje tufta på eigen refleksjon." "At me foreldre må gå i oss sjølv." "Ikkje berre står betre rusta til å skape trygg tilknytning no, men at borna mine skal bli trygge og psykisk/kjenslemessig påkobla ungdom og vaksne." Meir om Trygghetssirkelen Meir om Trygghetssirkelen Les meir om Trygghetssirkelen ved å følgje lenkene nedanfor. Trygghetssirkelen si heimeside (engelsk) Tilknytningspsykologane si heimeside Sjå videoreportasje frå foreldre som har gått kurset Publisert 09.12.2022 13.44 Sist endra 26.01.2024 13.39