Foreldrekurs for nybakte foreldre og foreldre med barnehagebarn våren 2023Kurstilbodet for foreldre i Circle of Security (COS-P) startar opp igjen mars 2023. Kurset går denne gongen i regi av Aukra helsestasjon.Om kurset Kurset er gruppebasert og går over åtte gonger. Kvar kurssamling vil vare i ca. 1,5-2 timar. Alle kan melde seg på - helsestasjonen ønskjer at begge foreldre deltek, men dersom det ikkje er mogleg, kan ein av foreldre melde seg på. For å få fullt utbytte av kurset forpliktar du deg til å møte opp alle åtte samlingane. Kva er Trygghetssirkelen/COS-P? Trygghetssirkelen/Circle of security-parenting (COS-P) Tryggleik er viktig for at barn skal trivast og utvikle seg. Men korleis vert tryggleik utvikla ? Korleis påverkar barnet meg, og eg barnet? Korleis kan eg bli meir bevisst i foreldrerolla mi, forstå kva behov barnet signaliserer, og møte det på ein god måte slik at barnet får ei trygg tilknyting. Målet er at barna skal få hjelp til å kjenne seg trygge, få betre sjølvkjensle og betre psykisk helse. På den måten kan dei stå sterkare rusta til å møte utfordringane i liva sine. COS-P er basert på over 50 års forsking på kva som gjev barn ei trygg tilknyting til sine næraste omsorgspersonar. Sirkelen hjelper oss å forstå barnets behov, og kva for støtte og hjelp dei treng. På kurset vil de blant anna lære meir om tryggleikssirkelen og vegen til tryggleik, barnet sitt behov rundt tryggleikssirkelen, om å vere saman med barnet på sirkelen, utforske det vi strevar med, og brudd og reparasjon. Kva kostar kurset?Kurset er gratis. Kursdatoar våren 2023Kurset går over åtte fredager mellom kl. 11.30 – 13.30 slik: 17. mars 24. mars 31. mars 14. april 21. april 28. april 5. mai 12. maiKurstadKurset vert halde på Aukra kulturhus, på «Brukje».Påmelding kurs våren 2023Vi har eit maks tal på deltakarar i gruppa. Alle kan melde seg på. Vi ønskjer at begge foreldre deltek, men er dette ikkje mogleg kan ein av foreldra melde seg på. I påmeldinga skriv du namnet til den/dei som skal delta. Det er bindande påmelding. Påmeldingsfrist er tysdag 14.mars 2023.Meld deg på foreldrekurset per e-postHar du spørsmål?Har du spørsmål om kurset, kan du ta kontakt med helsesjukepleiarane Heidi Magerøy Hoksnes og Tonje Vikhagen.Ta kontakt med HeidiTa kontakt med Tonje Publisert 02.03.2023 10.29 Sist endra 14.05.2024 13.01