Mål med SLT

Samordne det rus- og kriminalitetsførebyggande arbeidet kring barn og unge i Aukra. Koordinere kunnskap og ressursar i eit forpliktande samarbeid med mellom anna politi, kommune og frivillige aktørar (næringsliv, frivillige organisasjonar, etc.).

Det inneberer:

• Ha mest mogeleg oversikt over korleis barn og unge har det i Aukra kommune
• Iverksette tiltak retta mot enkeltpersonar og/eller grupper
• Rett tiltak til rett tid

SLT-arbeidet er retta mot barn og unge frå 0 – 23 år.

SLT-modellen – organisering

SLT-arbeidet er organisert ved hjelp av ein SLT-modell og er inndelt i tre nivå.

1. Styringsnivå (politirådet):

• Deltakarar: Øvste leiinga i kommune, øvste leiinga i politiet og SLT-koordinator
• Ansvar for: Økonomi, prioritering og mål.

2. Koordineringsnivå (koordineringsgruppa):

• Deltakarar: Leiarar og personar frå tenester og organisasjonar med beslutningsmynde.
• Ansvar: Samle kunnskap, avdekke problem, finne løysingar, sette i verk tiltak.

3. Utførarnivå:

• Aktørar: Funksjonar som arbeider tett på barn og unge.
• Ansvar: At styringsgruppas mål vert omset i praksis.

SLT-koordinatorens rolle

• Koordinera det kriminalitetsførebyggande arbeidet.
• Vere bindeledd mellom styringsgruppa, koordineringsgruppa og dei som jobbar direkte med barn og unge.
• Bidra til at det blir satt felles mål og at tiltak vert gjennomført og evaluert.
• Inspirere, motivere og vere pådrivar.

Møteverksemd og møtefrekvens

• Politirådet har to møter i halvåret.
• Koordineringsgruppa har tre møter i vårhalvåret og to møter i hausthalvåret.

Informasjonsutveksling blir ivareteken mellom anna ved at vi deler informasjon på møta i politirådet og på møta i koordineringsgruppa. Vi har alle eit felles ansvar for å halde kvarandre oppdatert om situasjonen kring barn og unge i kommunen.

Ta kontakt dersom du:

• Er bekymra for eit ungdomsmiljø på din skole eller fritidsklubb/lag.
• Har fleire like saker i hjelpeapparatet der ungdommen samlast rundt avvikande åtferd.
• Dersom du i politiet ser utfordringar som knytte seg til fleire personar – rus, tjuveri, sedelighet.
• Er bekymra for hat-ytringar eller ekstreme miljø.
• Alvorlege enkeltsaker (mobbing, vald, rus).

Kontaktperson er SLT-koordinator Rita Rydheim.

Sentrale aktørar

Relevante personar frå einingar som tar eit rus- og kriminalitetsførebyggande omsyn for barn og unge i Aukra kommune, som barne- og ungdomsskolar, barnehagar, politi frå Molde politidistrikt, PPT, OT, Vidaregåande skolar, helsestasjons- og skolehelsetenesta, barnevern, barnevernsvakt, psykisk helse, spesialisthelsetenesta, NAV, næringsliv, kultur, idrett, trussamfunn, ideelle organisasjonar, konfliktrådet, med fleire.