Avlasting for eldreAvlasting skal gjere det mogleg for pårørande å oppretthalde gode familierelasjonar, bevare sosialt nettverk og ha nødvendig og regelmessig fritid. Avlastingsopphaldet skal gje eldre moglegheita til å bu heime lengst mogleg. Kven kan få tilbod om avlasting for eldre? Pårørande som treng avlasting. Omsorgsarbeidet må vere særleg tyngjande og av varig karakter. Om tilbodet avlasting for eldre Innhaldet i tenesta er ivaretaking av grunnleggande behov og den omsorg og tryggleik som til vanleg vert ytt i heimen. Tenestene blir utarbeidd i tett samarbeid med omsorgsytar. Pårørande får tildelt avlasting der tenesta skal ivareta pårørande og ikkje vurdering av helsetilstand, observasjon eller behandling av brukar. Kva kostar det? Tilbodet er gratis. Ved avlastingsopphald skal brukaren sjølv dekke utgifter til medisinsk behandling på same måte som i heimen. Utgifter til aktivitet, reiseutgifter og personlege innkjøp under opphaldet, må brukar dekkje sjølv. Slik søkjer du om avlasting for eldre Send inn søknad om pleie- og omsorgstenester. Skjemaet er elektronisk. Send inn søknad Her finn du papirskjemaet for søknad om pleie- og omsorgstenester. Frist for å søkje om avlasting for eldre Du kan søkje heile året, men vi ber om at du søkjer seinast seks veker før gjennomføring av avlasting. Dette for å kunne organisere naudsynt bemanning. Klage på vedtak om avlasting for eldre Slik klagar du på eit enkeltvedtak Dette vedtaket er eit enkeltvedtak som du kan klage på. Klagefristen er 3 veker frå du fekk vedtaket frå kommunen. Klagen sender du enten per post til:Aukra kommuneNyjordvegen 126480 Aukraeller digitalt ved å bruke eDialog.Du kan òg sende klagen på e-post til post@aukra.kommune.no. Hugs å ikkje sende sensitiv informasjon på e-post. Publisert 20.08.2018 14.41 Sist endra 25.04.2024 10.26