For å sikre samarbeidet mellom barnehagen og heimane, har barnehagen eit foreldreråd - som er alle foreldra til dei barna som går i barnehagen til ei kvar tid. Foreldra vel ein representant frå kvar avdeling (med ein vara), som til saman utgjer foreldra sitt arbeidsutval (FAU). 

I tillegg skal barnehagane ha eit samarbeidsutval (SU), som er samansett av representantar frå foreldrerådet, tilsette og eigar. Val av sine representantar gjer foreldra på foreldremøte om hausten. Slik har foreldra høve til medverknad på innhaldet i barnehagearbeidet.

Alle foreldre er sjølvsagt velkomne til å ta opp aktuelle ting både med dei på avdelingane, med styrar, eller assisterande styrar.