Einingleiarane har det daglege ansvaret for behandling av personopplysingar i samband med helsetenester til kommunen sine innbyggjarar.

Områda innan helse, pleie, omsorg og sosial som behandlar helseopplysingar er

• legekontor,
• omsorgssenteret,
• heimebaserte tenester,
• bustadene,
• dagtilbod for personar med funksjonshemming,
• førebyggjande helseteneste,
• NAV Aukra, rus- og psykisk helseteneste,
• helsestasjon, 
• folkehelse,
• barnehagane, skolane og kulturskolane behandlar helseopplysningar om sine brukarar,
• serviceavdelinga, økonomiavdelinga og personal- og organisasjonsavdelinga. 

Alle personopplysningar skal behandlast i tråd med kommunen sine rutinar. Kommunen har rutinar for opplæring, tilgangsstyring og kontrolltiltak for kvart fagsystem. Systema er tilgangsstyrte. Opplysingane blir lagra for no- og ettertid etter helseregister- og arkivlova. Kommunen har databehandleravtalar med leverandørane.

Elektronisk utveksling av helseopplysingar skjer via Norsk Helsenett mellom fastlegg, sjukehus og kommunen for å sikre tryggleik, effektivitet og sporing for innbyggjarar som treng helsehjelp.

Personvernerklæring for helseplattformen

Psykososialt kriseteam

Helsepersonellet i Aukra kommune sitt psykososiale kriseteam har journalføringsplikt om sjølve hendinga om dei personane som mottek helsehjelp i den akutte situasjonen. Dei som får hjelp av kriseteamet, får ein journal laga på hendinga. Journalnotatet frå den aktuelle hendinga kan berre lesast av medlemer i kriseteamet.

Det blir registrert personopplysingar som namn, adresse, fødselsnummer, helseopplysningar og ein omtale av den helsehjelpa som er gitt. Fødselsnummeret må registrerast for sikker identifisering.