Aktiv senior

Aktiv Senior er for deg som er pensjonist og ønskjer å vere med på fysisk aktivitet saman med andre. Vi ønskjer å gje deg eit aktivitetstilbod i kvardagen.

Kven kan få tilbod om Aktiv senior?

Dette tilbodet er for pensjonistar frå den dagen du går av med pensjon, uavhengig om du er 62 eller 70 år.

Slik melder du deg på Aktiv senior

Fyll ut påmeldingsskjemaet. Skjemaet er elektronisk.

Du får svar på påmeldinga innan kort tid.

Kva kostar det å delta på Aktiv senior?

Medlemskort kostar kr 400,- per halvår.
Innbetalingsgiro vert sendt i posten.

Aktivitetar og turplan

Aktiv på dagtid og aktiv senior - aktivitetar

Aktivitetar

Dag	Kl.	Kor	Aktivitet
Måndag	10.00-11.30	Jendem treningssenter	Du kan gjere ulik oppvarming eller kondisjon, til dømes på spinningsykkel eller tredemølle. Du kan også trene styrke med apparat eller frie vekter.
Tysdag	12.30-13.30	Aukrahallen	Oppvarming, styrke og kondisjonstrening. Ha på gode joggesko til innebruk og ta med eige liggeunderlag, drikke og varme klede. Ta gjerne med kaffi/te og mat til ei sosial stund etter treninga.
Onsdag	14.00-15.00	Bassenget	Ulike styrke- og kondisjonsøvingar i vatn. I tillegg tid til å svømme eller gjere eigne øvingar.
Annakvar onsdag	11.30-13.30	Falken på kulturhus	Syng saman. Uformelt sangtilbod med fokus på pust, kropp, stemme og gleda ved å syngje saman.
Torsdag	11.00-12.30	Turgruppe med turleiar	Turar til ulike område av kommunen og nabokommunane. Turar på fastlandet startar med oppmøte på ferjekaia på Gossen kl. 10. Deltakarar frå Julsundet kan møte på kaia på Hollingsholmen kl. 10.30.

Aktiv på dagtid og aktiv senior - turplan

Turplan og praktisk informasjon om turane

Om turane

Nedanfor finn du turplanen for Aktiv på dagtid og Aktiv senior og litt praktisk informasjon kring turane. Turane går uansett vêr. Ta på eigna klede og sko, eventuelt kaffi/te og niste. Hugs piggsko eller broddar når det er is eller hard snø.

Skyss

Kontakt ein turleiar seinast kl. 9 på turdagen.

Turleiarar

Oppmøte

Du finn informasjon om stad og klokkeslett for oppmøte i turplanen nedanfor. OBS! Turar på Gossen startar som regel kl. 11, mens turar utanom Gossen startar kl. 10. Ved turar utanom Gossen kan deltakarar frå Julsundet avtale ein møteplass med turleiar.

Turplan Aktiv på dagtid og aktiv senior hausten 2025

Turplan Aktiv på dagtid og aktiv senior hausten 2025
Dato	Turmål	Oppmøtestad	Tid	StikkUT!-post
28. august	Nyhamna - Gamlesjøen	Nyhamna	11.00	Ja
4. september	Ørnehaugen	Pumpehuset på Eikrem	11.00
11. september	Kleivevatnet	Aukra ferjekai	10.00
18. september	Brenslen	Ved Smågevatnet	11.00	Ja
25. september	Løvikremma - Purkeneset	Løvikremma	11.00	Ja
2. oktober	Hundetjønna	Aukra ferjekai	10.00	Ja
9. oktober	Smågerunden - gamal og ny sti	Solem 2-feltet	11.00
16. oktober	Flyplassen - Oterhalsen - Røaleira	Flyplassen	11.00
23. oktober	Tornes tursti	Aukra ferjekai	10.00	Ja
30. oktober	Aukraskogen - Tangeløypa	Kyrkjelydshuset	11.00	Ja
6. november	Opdølselva - Hjelset	Aukra ferjekai	10.00
13. november	Aukra tursti	Årgårdsvika	11.00
20. november	Riksfjordremma	Falkhytten	11.00
27. november	Jærmannburet rundt - Nerbøstrand	Hoksneskrysset	11.00
4. desember	Sommerfjøshaugen - Eikremsfjøra	Pumpehuset på Eikrem	11.00

Utstyr

Bassenggruppe: Ta med badeklede og vassflaske.
Turgruppe: Ta på egna klede og sko til utebruk, og gjerne niste og drikke.
Aukrahallen og Jendem treningssenter: Ta på egna klede og sko til innebruk. Hugs eige liggeunderlag, handduk og vassflaske.

Publisert 02.10.2018 16.23

Sist endra 22.09.2025 08.57

Kva leiter du etter?