• Fulltidstilbodet vert fakturert i 12 månadar og inkluderar feriane. Dei andre tilboda vert fakturert i 10 månadar, og du må betale ekstra for ferieane etter satsane i lista under. (Jamfør vedtak i kommunestyret 19. mai 2022, sak PS-21/22.)
• Du kan kjøpe inntil 10 enkeltdagar i skoleåret.
• Barn nummer to får 25 prosent rabatt og barn nummer 3 får 50 prosent rabatt.
• Du kan søke om ferietilbod for barn som ikkje går på SFO til vanleg.

SFO er ope

• Frå kl. 7.00 fram til skolestart
• Frå skoleslutt til kl. 16.30
• Sommar-, haust og vinterferie

SFO er stengt

• På helg, heilagdagar og offentlege fridagar
• Pa inntil fem planleggingsdagar
• Påske- og juleferie

Alle elevar i 1.-3. klasse har rett til gratis SFO tolv timar i veka. Dette kallast «kjernetid». Ordninga med gratis kjernetid gjeld uansett om du har morgontilbod, deltids- eller heiltidsplass til barnet. Det vil seie at det er mogleg for foreldre å ha tolv gratis timar og betale for resterande SFO-tid for barnet. 

• Gratis kjernetid for 1.-3. klasse er måndag til fredag frå skoleslutt og i 2,5 timar (Gossen måndag til fredag kl. 13.15 – 15.45, Julsundet måndag til onsdag og fredag kl. 13.00-15.30, torsdag kl. 12.10-14.40).
• Alle frå 1.-3. klasse kan møte på SFO i denne tida utan at det vert kravd betaling, òg dei som ikkje har SFO-plass frå før.
• Ved påmelding til SFO må òg dei som berre skal ha gratistilbod melde seg på SFO på lik line med andre som skal ha SFO.
• Det er ikkje særskilt skoleskyss etter SFO, heller ikkje for dei som berre har gratistilbodet.
• I feriane når det er friveker/-dagar (innanfor same vekenummer) med minimum 2 fridagar i samanheng kan gratistida på 12 timar fordelast etter påmelding på opp til 2 dagar i veka. Merk at det er same frist for feriepåmelding som gjeld for alle andre.
• Kostpengar er ikkje ein del av gratis kjernetid og vil kome utanom.

Dette vedtaket er eit enkeltvedtak som du kan klage på. Klagefristen er 3 veker frå du fekk vedtaket frå kommunen. 

Klagen sender du enten per post til:

Aukra kommune
Nyjordvegen 12
6480 Aukra

eller digitalt ved å bruke eDialog.

Du kan òg sende klagen på e-post til post@aukra.kommune.no. Hugs å ikkje sende sensitiv informasjon på e-post.