Kven må søkje om godkjenning av barnehage?

Verksemder som har ansvar for barn under opplæringspliktig alder, pliktar å søke godkjenning som barnehage når:

• Verksemda er regelmessig og eitt eller fleire barn har opphaldstid på meir enn 20 timar per veke, og
• Det er ti eller fleire barn på tre år eller eldre til stades samtidig, eventuelt fem eller fleire barna under tre år, og
• Verksemda krev betaling/godtgjering

Verksemder må vere godkjent før drifta vert sett i gang.

Korleis søkje om godkjenning av barnehage

Ta kontakt med pedagogisk rådgjevar Marianne Bolghaug for søknad.

Saksgang

Barnehagemynde fattar vedtak om godkjenning basert på eit heilskapleg kunnskapsgrunnlag. Det er einingsleiar/styrar som har ansvar for å innhente grunnlagsdokumentasjon i samband med godkjenning. I tillegg skal styrar i søknaden vurdere om barnehagen er eigna i høve til barnehagelova § 1 og 2 når det gjeld føremål og innhald, jf. barnehagelova §10.

Søknaden vert behandla av pedagogisk rådgjevar i sektor oppvekst og kultur. Utval for helse, oppvekst og kultur fattar deretter vedtak.

Lovar og reglar

Heimelsgrunnlaget i lov og forskrifter:

• Barnehagelova
• Forskrift om helse og miljø i barnehager, skoler og skolefritidsordninger
• Forvaltningslova
• Arbeidsmiljølova
• Plan- og bygningslova
• Brann- og eksplosjonsvernlova

Aukra kommune sine prosedyrar om godkjenning av barnehagar:

• Prosedyre for godkjenning av eksisterande barnehage (PDF, 51 kB)
• Prosedyre for godkjenning av ny barnehage (PDF, 51 kB)