• Kl. 07.00 barnehagen opnar.
• Kl. 08.00 frukost
• Kl. 09.15 samling - aktivitet
• Kl. 09.30 frileik ute eller inne
• Kl. 11.00 lunsj
• Kl. 11.30 bleieskift/do og sovetid
• Kl. 14.00 ettermiddagsmat
• Kl. 14.30 bleieskift/do og sovetid
• Kl. 14.45 frileik ute eller inne
• Kl. 16.30 barnehagen stenger

Foreldra tek ansvar for at barnet vaskar hendane sine om morgonen før barnet går inn i avdelinga.

Vert barnet henta etter stengetid kl. 16.30, vert føresette belasta med eit beløp på kr 250,- per barn.

Barna skal ha fem veker ferie gjennom året.

• Minimum tre veker samanhengande sommarferie for barnet i perioden 1. juni til 14. august. Frist for føresette for å melde om sommarferie er 1. mai kvart år.
• Den fjerde veka kan vere dei dagane barnehagen er open i skolen sine haust- eller vinterferie. Barnehagen er stengt i jul og påske.
• Dei 5 studie- og planleggingsdagane gjennom året kan reknast som den femte ferieveka

(Henta frå vedtektene til Aukra barnehagane)

Vi har fem planleggingsdagar i løpet av eit barnehageår, og då er barnehagen stengt.

• To dagar i august ved oppstart av nytt barnehageår
• Måndag i skolen sin haustferie
• Fredag etter Kristi himmelfartsdag
• Ein dag som ikkje har fast dato

Det er viktig at barnehagen får beskjed ved sjukdom. Hugs at smittefaren er stor i ein barnehage.

• Ved oppkast og diare skal barna vere heime 48 timar etter at dei er symptomfrie
• Ved sjukdom må barna haldast heime til dei er friske nok til å ta del i uteleiken
• Dersom allmenntilstanden til barnet vert dårleg i løpet av dagen, tek personalet kontakt med foreldre/føresette og ber om at barnet vert henta

Medisin skal helst gis av føresette. Om det er behov for at personalet skal gje barnet medisin i løpet av tida i barnehagen, må føresette skrive eigen avtale om dette med styrar. Ta kontakt med barnehagen for å få ordna dette.

Vi gjer stas på bursdagsbarnet. Vi lagar fruktfat eller smoothie. Vi syng bursdagssang, lagar krone og heng opp flagg.

Dersom de ønskjer å invitere til privat selskap og vil legge invitasjonar i hyllene i barnehagen, kan de invitere:

• alle barna på avdelinga
• alle på avdelinga som er fødd same år som bursdagsbarnet
• alle jentene eller gutane på avdelinga, eller
• alle jentene eller gutane på avdelinga, som er fødd same året.

Årsaka til desse reglane er at vi vil unngå at nokon barn føler seg ekskludert.

Barnet kan ha 80 eller 100 % plass i barnehagen. Når barnet har redusert plass, får det fullt tilbod dei dagane det er i barnehagen. Det er høve til å kjøpe enkeltdagar etter nærare avtale.