Kva type vaksiner inngår i vaksinasjonsprogrammet og kven kan få vaksine?

Influensavaksine 

• Bebuarar i omsorgsbolig og sjukeheim
• Aldersgruppa 65 år og eldre
• Barn og vaksne med definerte risikotilstandar og sjukdommar
• Gravide etter 12. svangerskapsveke, samt alle gravide som inngår i risikogruppa
• Prematur fødte barn frå 6 måneder til 5 års alder

Pneumokokkvaksine 

• Personar født i 1960 eller seinare frå det kalenderåret dei fyller 65 år
• I år vil det etter Nasjonale retningslinjer kun gjelde personar født i 1960
• 2026: Personer født i 1961 og uvaksinerte født i 1960 

Koronavaksine

• Personar i omsorgsbolig og sjukeheim
• Aldersgruppe 75 år og eldre
• Aldersgruppe 18-74 år med definerte risikotilstandar og sjukdommar
• Aldersgruppe 12-17 år med alvorlig grunnsjukdom etter individuell vurdering
• Aldersgruppe 65-74 år: Ikkje anbefalt vaksine, men likevel inkludert i program 

Kven bør vaksinere seg?

Personar i følgjande risikogrupper bør ta influensavaksine årleg: 

• Bebuarar i omsorgsbustader og sjukeheimar
• Alle frå fylte 65 år
• Gravide etter 12. svangerskapsveke (2. og 3. trimestar). Gravide i 1. trimestar med annan tilleggsrisiko skal også få tilbod om influensavaksine
• Prematurt fødde barn, særleg barn fødd før veke 32 i svangerskapet, frå 6 månader til 5 år
• Barn og vaksne med: 
  • kronisk lungesjukdom (inkludert astma),
  • hjarte- og karsjukdom (anna enn velregulert høgt blodtrykk),
  • diabetes typa 1 og 2
  • leversvikt eller nyresvikt
  • kronisk nevrologisk sjukdom eller skade
  • nedsett immunforsvar som følgje av sjukdom eller behandling av sjukdom (t.d. organtransplanterte, kreft, HIV, reumatoid artritt og andre sjukdommar)
  • svært alvorleg fedme (KMI over 40)
  • annan alvorleg og/eller kronisk sjukdom der influensa utgjer ein alvorleg helserisiko, etter individuell vurdering av lege

Informasjon frå FHI om vaksine mot sjukdommar i vaksineringsprogrammet for vaksne (influensavaksine, koronavaksine og pneumkokkvaksine)

Kvar skjer vaksineringa?

Vaksineringa skjer på vaksinekontoret på Aukra helsesenter.

Vaksinasjonskontoret tilbyr fellesvaksinasjon mot influensa i kyrkjelydshuset på Gossen og Mevoldtunet i Julsundet i oktober kvart år. Datoane for fellesvaksinasjonen vert publisert på Aukra kommune si heimeside når dei er klare. Når du bestiller time til fellesvaksinasjonen, hugs å bestille time på rett stad. 

Slik bestiller du time

Du kan bestille time på to forskjellige måtar: 

1. Ring legekontoret på telefonnummer 71 17 14 00 eller til vaksinasjonskontoret på telefonnummer 90 69 25 58
2. Du kan bestille time via nettstaden eller appen til helsenorge.no: 
   1. Trykk på “Bestill time”, 
   2. Du får spørsmål om å logge deg på med BankID 
   3. Trykk på Vaksine og vêl kor du vil vaksinere deg.

Betaling

Betaling med bankkort eller Vipps. 

Kva kostar vaksinen?

Rettleiande pris fra FHI for 2025/26:

• Influensavaksine: 301 kr
• Koronavaksine: 110 kr
• Pneumokokkvaksine: 110 kr
• Samvaksinasjon med influensa og koronavaksine: 386 kr
• Samvaksinasjon med influensa og pneumokokkvaksine: 386 kr
• Samvaksinasjon med korona og pneumokokkvaksine: 170 kr
• Samvaksinasjon for alle vaksiner: 471 kr