Kvar skjer vaksineringa?

Det vert vaksinering på Gossen og i Julsundet. Vêr merksam når du bestiller time slik at du bestiller på rett stad. 

• Vaksinasjon på Gossen vil bli tysdag 10. november i Kyrkjelydshuset frå kl 8.00 – 16.25, berre etter avtale.
• Vaksinasjon i Julsundet vil bli onsdag 11. november på Mevoldtunet frå kl 9.15 – 16.30, berre etter avtale.

Innbyggjarane under 65 år eller som ikkje er i ei av risikogruppene, kan bestille time ved vaksinasjonskontoret via Helse Norge.

Slik bestiller du time

Du kan bestille time på to forskjellige måtar: 

1. Ring legekontoret på telefonnummer 71 17 14 00 eller til vaksinasjonstelefonen på telefonnummer 90 69 25 58 i opningstida tysdag og torsdag
2. Du kan bestille time via nettstaden eller appen til helsenorge.no: 
   1. Trykk på “Bestill time”, 
   2. Du får spørsmål om å logge deg på med BankID 
   3. Trykk på Vaksine og vêl kor du vil vaksinere deg.

Lenke til rettleiar for innlogging med BankID

Kva kostar vaksinen?

Årets influensavaksine kostar 308 kr for personar i risikogrupper og andre målgrupper. Betaling med bankkort eller faktura.

Kven bør vaksinere seg?

Personar i følgjande risikogrupper bør ta influensavaksine årleg: 

• Bebuarar i omsorgsbustader og sjukeheimar
• Alle frå fylte 65 år
• Gravide etter 12. svangerskapsveke (2. og 3. trimestar). Gravide i 1. trimestar med annan tilleggsrisiko skal også få tilbod om influensavaksine
• Prematurt fødde barn, særleg barn fødd før veke 32 i svangerskapet, frå 6 månader til 5 år
• Barn og vaksne med: 
  • kronisk lungesjukdom (inkludert astma),
  • hjarte- og karsjukdom (anna enn velregulert høgt blodtrykk),
  • diabetes typa 1 og 2
  • leversvikt eller nyresvikt
  • kronisk nevrologisk sjukdom eller skade
  • nedsett immunforsvar som følgje av sjukdom eller behandling av sjukdom (t.d. organtransplanterte, kreft, HIV, reumatoid artritt og andre sjukdommar)
  • svært alvorleg fedme (KMI over 40)
  • annan alvorleg og/eller kronisk sjukdom der influensa utgjer ein alvorleg helserisiko, etter individuell vurdering av lege

Les meir om influensavaksine på Folkehelseinstituttet (FHI) si nettside.