• Aukra kommune har dagsenter tenester for heimebuande eldre 6 dagar per veke, samt to kveldar i veka.
• Eigenbetalinga for dagsentertenestane bidrar til å dekke utgifter til skyss, mat, aktivitetar og andre naudsynte tenester.
• Dagsentertenesta er eit vedtak den enkelte får innvilga etter søknad, og må betalast ved fråvær. Unntaket er akutt innlegging på sjukehus eller institusjon.
• Auke i eigenbetalinga for 2026 grunnast auke i kostnadar jamfør kommunal deflator 3,5%

Tenesta er gratis, men behovsprøvd. 

GPS er ein lokaliseringsteknologi som bidreg til å tryggje både brukar og pårørande. GPS fungerer slik at den er til ei kvar tid vil kunne syne pårørande og eventuelt tenesta, kvar ein brukar med GPS er. Lokaliseringsteknologien gir fridom og tryggleik for personar med kognitiv svikt. Dei kan tilkalle bistand der dei er - eller bli lokalisert der dei er av pårørande eller den kommunale tenesta etter avtale. Det er også toveis tale i GPS-ane.

• Det er høve til å søkje om heilt eller delvis fritak frå eigenbetaling dersom brukar sin økonomiske situasjon gjer det vanskeleg å betale for hjelpa som er nødvendig for å klare seg i eigen heim.
• Innvilga timetal heimehjelp må betalast sjølv om bebuar ikkje er til stades på avtalt tidspunkt. 
• Akutte sjukehusinnleggingar eller tilsvarande opphald i institusjon gjev fritak.
• Søknaden om heilt eller delvis fritak sender du til Heimetenesta i Aukra, Nyjordvegen 12, 6480 Aukra.
• Om brukar ikkje er heime må brukar likevel betale for vedtekne timar, unntak er akutte innleggingar på sjukehus eller opphald på institusjon.

Matombringing til bebuarar bli innvilga gjennom vedtak. Bebuar må difor betale for tenesta sjølv om vedkomande i enkelt tilfelle ikkje nyttar seg av vedtaket. Unntaket er ved akutt innlegging i sjukehus eller institusjon.

Konsumprisindeksen for matvarer og alkoholfrie drikkevarer har i perioden september 2024 til og med september 2025, auka med 6,3%. Difor vel vi å justere prisane på matombæring som ein konsekvens av samla auke i kostnadane tilsvarande auke i konsumprisindeksen.

• Eigenbetaling for langtidsopphald og korttidsopphald over 60 døgn vert berekna ut frå bebuar si inntekt i tråd med forskrift
• Dag- eller natt-opphald og korttidsopphald inntil 60 døgn har maksimalpris som fastsett i Forskrift av Stortinget.
• Avlastingsopphald skal ikkje ha eigenbetaling.
• Eigenbetaling for opphald i institusjon er heimla i Lov om kommunale helse- og omsorgstenester § 3-2 og Forskrift om eigenandel for kommunale helse og omsorgstenester. Det kan ikkje krevjast eigenandel for korttidsopphald gitt som avlasting for å avlaste pårørande for deira omsorgsoppgåver.
• For korttidsopphald inntil 60 døgn har Aukra kommune eigenbetaling lik maksimalpris fastsett av Stortinget. Prisane blir justert årleg.
• Ved langtidsopphald og korttidsopphald over 60 døgn, blir eigenbetaling fastsett i tråd med forskrift og er regulert etter inntekt. 
• Eigenbetalinga/døgnpris må ikkje overstige dei reelle opphaldsutgiftene.

Kva er ein tryggleikspakke?

Tryggleikspakken skal medverke til å skape tryggleik for å kunne bu heime lengst mogleg. Grunnpakken består av ein tryggleiksalarm og brannalarm. Brukar ber på seg eit smykke eller armband.

• Det kan knytast på fleire funksjonar etter kva behov personen har. Sensorane kan til dømes registrere dører, bevegelse, temperatur og vasslekkasje. Eit døme kan vere om brukar kjem attende i senga etter å ha vore på toalettet om natta.
• Når du trykker på alarmknappen, vert ein alarm utløyst som går til heimesjukepleia i Aukra. Du får direkte kontakt gjennom alarmboksen. Om heimesjukepleie ikkje får kontakt med deg, vil dei kome heim til deg.
• Tryggleikspakke brukast i eigen heim og skal medverke til å skape tryggleik for å kunne bu heime lengst mogleg. Om du ønskjer ein alarm som du kan bruke utanfor heimen, kan ein GPS vere aktuelt for deg.
• Brannalarmen er knytt til Molde brann og redning.

Kven kan få tilbod om tryggleikspakke?

• Eldre, funksjonshemma og andre som kan føle seg utrygge ved å bu aleine, kan få tildelt tryggleikspakken. 
• Søkjar må bu i bustad med tilgang på internett/4G.
• Tryggleikspakke er behovsprøvd.

Kva kostar tryggleikspakken?

Tenesta er behovsprøvd.

Det er husstanden si samla inntekt som vert lagt til grunn ved berekning av inntekt