Bygging av avkøyrsel frå kommunal veg

• Når du skal etablere ein avkøyrsel frå ein kommunal veg, er det viktig at løysinga ivaretek trafikktryggleiken for alle som ferdast langs vegen.
• Alle tilpassingar til veg og fortau skal gjerast på eigen eigedom. Arbeidet må utførast slik at vegen sin tekniske standard og funksjon blir oppretthaldne.
• Det blir stilt krav til fri sikt, svingradius og lengdeprofil ved bygging av nye avkøyrslar. I tillegg gjeld tekniske krav til sjølve avkøyrselen, samt krav om snumoglegheit på eigen grunn.
• Sjå også rettleiaren "Krav til avkøyrsel".

Slik søker du

• Send oss ein søknad saman med vedlegg som nemnt nedanfor.
• Ved utvida/endra bruk av gjeldande avkøyrsel, gjeld same krav som ved bygging av ny avkøyrsel.

Vedlegg til søknaden

For at søknad om avkøyrsel frå kommunal veg skal behandlast, må den innehalde følgjande:

• Forklaring av planlagt tiltak. 
• Situasjonskart i målestokk 1:500.
• Avkøyrsel blir teikna inn med breidde, frisikttrekant og svingradius. Bygg og eventuelle sikthindringar må visast på situasjonsplanen. 
• Teikning av avkøyrselen sin lengdeprofil i målestokk 1:500/1:100.
• Søknaden vil ikkje bli behandla før den er komplett. Treng kommunen ytterlegare opplysingar vil du få melding om dette.

Kostar det noko?

Tenesta er gratis.

Etter arbeidet er utført

• Når arbeidet med godkjent avkøyrselen er utført, skal du sende ferdigmelding til kommunen.
• Kommunen fattar vedtak når søknaden gjeld innanfor uregulert område eller gjeld utvida bruk av noverande avkøyrsel.
• Kommunen skal uttale seg når søknaden gjeld innanfor regulert område.

Klage