Skal du flytte?
Flytter du til ein annan kommune må du melde flytting til folkeregisteret innan 30. juni for å bli ført inn i manntalet i den nye kommunen. Flyttar du til ein annan kommune etter denne datoen står du i manntalet i kommunen du flyttar frå.
Bur du i utlandet?
Dersom du bur i utlandet, men har vore folkeregistrert som busett i Noreg i løpet av dei siste 10 åra, blir du automatisk ført inn i manntalet i kommunen du var registrert som busett i då du flytta frå Noreg.
Dersom du ikkje har vore registrert busett i Noreg dei siste 10 åra, må du søkje om innføring i manntalet.
Veljarar med strengt fortruleg adresse
Veljarar med strengt fortruleg adresse er ikkje innført i det ordinære manntalet kommunen har tilgang til, men kommunane får eit særskilt tilleggsmanntal med oversikt over personar med strengt fortruleg adresse. Veljarar det gjeld får eit eige brev frå Kripos om stemmegivinga.
Vil du sjekke om du er rett manntallsført?
Ta kontakt med kommunen din. Alle kommunar i Noreg er plikta til å gjere manntalet offentleg tilgjengeleg slik at du kan kontrollere eigne opplysningar og sende inn klage dersom det er feil i manntalet.
Søknad om innføring i manntalet
Dersom du har budd utanlands i meir enn 10 år, står du ikkje i manntalet lenger. Før måtte du søke om innføring i manntalet. No er det tilstrekkeleg at du stemmer. Du vil då bli innført i manntalet. Det same gjeld om du er norsk statsborgar, men har aldri vore folkeregistrert som busett i Noreg.
Manntalet vert lagt til offentleg ettersyn i juli på følgjande stader:
- Gossen krins: På biblioteket, Coop Extra Gossen, Bunnpris Aukra og Spar Aukra
- Julsundet krins: På Julsundet skole og Coop Extra Hollingen.
Heile manntalet vert lagt ut på kommunehuset. Dersom du finn feil i manntalet, må du ta kontakt med valstyret i kommunen, tlf. 71 17 15 00.
Frist for partia for å bestille eit gratis eksemplar av manntalet
Alle som stiller liste ved valet, har rett på eit gratis eksemplar av manntalet. Det er eit krav, at manntalet vert bestilt innan fristen som valstyret fastset. Valstyret har i sitt møte 3. mars 2025 vedtatt at denne fristen er 1. juli 2025.
Partia kan også be om oppgåver over bestemte grupper veljarar, som til dømes førstegongsveljarar.
Informasjon om korleis partia kan bestille manntalet kjem.