Kven kan stemme ved valet i Noreg? 

For å ha stemmerett ved valet i Noreg, må desse krava vere oppfylt:

• du må vere norsk statsborgar,
• ha fylt 18 innan utgangen av valåret,
• ikkje ha mista stemmeretten etter Grunnloven § 53
• og du må vere, eller har tidlegare vore, folkeregisterført som busett i Noreg.

Å stemme ved Sametingsvalet

Alle samar som er registrerte i valmantallet til Sametinget, har stemmerett ved sametingsvalet. Alle veljarar som er registrerte i dette manntalet, får tilsendt eit eige valkort for sametingsvalet. Hugs å ta vare på kortet og ta det med deg når du skal stemme.

Dersom du ikkje har motteke valkort for sametingsvalet, bør du kontakte Sametinget i telefon  78 47 40 00. Der får du også informasjon om kva som blir kravd og korleis du går fram dersom du ønskjer å bli registrert i Sametingets valmanntal.

Dersom namnet ditt ikkje står i Sametingets valmanntal, og du har søkt om innføring, eller dersom du meiner det er andre feil i listene, kan du klage. Klaga skal vere skriftleg og grunngitt. Klaga blir send Sametinget.

Veljarar som har stemmerett ved både stortings- og sametingsvalet får to valkort.