Kommentar frå kommunedirektør Gerd Marit Langøy:

«Eg er svært godt nøgd med at Torill Einara Nerbøvik har takka ja til å bli kommunalsjef for samfunnsutvikling i Aukra kommune», seier kommunedirektør Gerd Marit Langøy. «Ho har brei erfaring frå plan- og arealarbeid i kommunal sektor, og eit varmt samfunnsengasjement. Når vi kombinerer dette med leiarerfaring, grundigheit og høg arbeidskapasitet, vil Torill vere svært godt skikka til å gå inn i denne viktige stillinga i kommunen vår. Eg gler meg til å få Torill inn i leiarteamet mitt!»

Kommentar frå Torill Einara Nerbøvik:

«Eg ser fram til å ta fatt i oppgåva som kommunalsjef for samfunnsutvikling i Aukra kommune frå 1.mai. Det er ei spennande utfordring eg verkeleg gler meg til, og eg ønsker å vere ein god samfunnsbyggar og lede dette feltet i Aukra kommune på ein god måte i tida vi går i møte. Eg takkar for tillita eg har hatt i politikken desse åra, og ser tilbake på desse som viktige byggesteinar og erfaringar eg tek meg vidare.»