Rydd i nærområdet ditt
Vi oppmodar til rydding langs elvar, innsjøar, strendar, holmar, øyar, stiar og liknande i nærleiken av der du bur.
Slik kommer du i gang:
- Finn/registrer aksjon i Rydde - det er frivillig. Du kan også plukke søppel utan å registrere deg.
- Hent gratis ryddeutstyr
- Avtal rutehenting om du forventer mange sekker eller lever avfallet på gjenvinningsstasjonen
- Rydd trygt – og lever som «Strandryddeavfall» på stasjonen
- Registrer funn i Rydde
Les meir om korleis du planlegg og gjennomfører ein ryddeaksjon.
Gratis ryddeutstyr
Du kan hente gratis sekker på
- Kommunehuset mellom kl. 10 og 14
- Kulturhuset
- Extra Hollingen
Kvar skal du gjere av søpla?
Du kan levere avfallet som brennbart restavfall til Rothaugen på Gossen eller Årødalen i Molde.
Rothaugen har slik opningstid:
- Torsdagar: Kl. 11.30 - 18.00
- Fredagar: Kl. 09.30 - 16.15
- Første laurdag i kvar månad: Kl. 10.00 - 14.00
Adresse: Rishaugvegen 96, 6480 Aukra
For aksjonar som samlar mykje avfall, kan RIR ta med strandrydde-sekker på restavfallbilen på rute. Du må avtale henting med RIR på førehand. Avtal tidspunkt, stad og tal på sekker, og sett sekkene tydelig til rette før henting.
Ta kontakt med RIR for å avtale henting
Samarbeid med StikkUT! - Stikk ut og plukk
RIR og Friluftsrådet i Nordmøre og Romsdal presenterer Stikk ut og plukk - ei panteordning for marin forsøpling. Deltakarar kan levere strandryddeavfall hos RIR og få 150 kr per sekk.
Les korleis du kan kome i gang med Stikk ut og plukk
Kontaktinformasjon til Hold Norge rent
Treng du råd eller bistand til planlegging i Strandryddeveka? Send ein e-post til: post@holdnorgerent.no
