Anskaffinga omfattar tenester innan avlasting, praktisk bistand og alternativ læringsarena. Vi ønskjer å nå fram til leverandørar som har kompetanse og kapasitet til å levere gode, fleksible og individuelt tilpassa tenester.

Avlasting og praktisk bistand

Innan omsorgssektoren skal tenestene bidra til nødvendig avlasting for pårørande med særleg tyngjande omsorgsoppgåver.

Avlastinga skal vere fleksibel og tilpassa behova til den enkelte brukaren og familien, og kan mellom anna omfatte dag-, kvelds- og døgnopphald.

Praktisk bistand omfattar hjelp og rettleiing i daglege gjeremål, med mål om å styrkje brukaren si meistring og sjølvstende i eigen kvardag. Tenestene skal vere individuelt tilpassa og dokumenterbare.

Alternativ læringsarena

Anskaffinga omfattar også ein tilrettelagd læringsarena utanfor den ordinære skolen.

Tilbodet skal koordinerast i tett samarbeid med skolen. Det kan i periodar vere aktuelt at skolen stiller med eigne tilsette på den tilrettelagde læringsarenaen.

Arenaen skal leggje til rette for fagleg og sosial meistring gjennom praktiske, strukturerte og tilpassa aktivitetar. Målet skal vere tilbakeføring til ordinær skole så snart det er mogleg og til det beste for eleven.

Er dette aktuelt for di verksemd?

Aukra kommune ønskjer god konkurranse og eit breitt leverandørgrunnlag. Vi oppmodar derfor aktuelle leverandørar til å gjere seg kjende med konkurransen og vurdere å levere tilbod.

Konkurransen er publisert på Doffin. Der finn du fullstendig konkurransegrunnlag, krav til leverandørane, fristar og informasjon om korleis tilbod skal leverast.

Sjå konkurransen på Doffin