Aktiv på dagtid

Aktiv på dagtid er eit tilrettelagt aktivitetstilbod til deg som ønskjer å komme i gong med fysisk aktivitet saman med andre. Vi ønskjer å gje deg eit aktivitetstilbod i kvardagen.

Alle tilboda for Aktiv på dagtid er saman med Aktiv senior.

Kven kan få tilbod om Aktiv på dagtid?

Menn og kvinner mellom 18 og 67 år som bur i Aukra kommune, og står heilt eller delvis utanfor arbeidslivet og mottek:

Sjukepengar
Uføretrygdingar
Overgangsstønad
Dagpengar
Arbeidsavklaringspengar
Sosialstønad
Deltakarar i kvalifiseringsprogrammet

Er du pensjonist, kan du melde deg på Aktiv senior.

Slik melder du deg på Aktiv på dagtid

Fyll ut påmeldingsskjemaet. Skjemaet er elektronisk.

Når får du svar på påmeldinga?

Du får svar på påmeldinga innan kort tid.

Kva kostar det å delta på Aktiv på dagtid?

Medlemskort kostar kr 400,- per halvår.
Innbetalingsgiro vert sendt i posten.

Aktivitetar og turar

Aktiv på dagtid og aktiv senior - aktivitetar

Aktivitetar

Dag	Kl.	Kor	Aktivitet
Måndag	10.00-11.30	Jendem treningssenter	Du kan gjere ulik oppvarming eller kondisjon, til dømes på spinningsykkel eller tredemølle. Du kan også trene styrke med apparat eller frie vekter.
Tysdag	12.30-13.30	Aukrahallen	Oppvarming, styrke og kondisjonstrening. Ha på gode joggesko til innebruk og ta med eige liggeunderlag, drikke og varme klede. Ta gjerne med kaffi/te og mat til ei sosial stund etter treninga.
Onsdag	14.00-15.00	Bassenget	Ulike styrke- og kondisjonsøvingar i vatn. I tillegg tid til å svømme eller gjere eigne øvingar.
Annakvar onsdag	11.30-13.30	Falken på kulturhus	Syng saman. Uformelt sangtilbod med fokus på pust, kropp, stemme og gleda ved å syngje saman.
Torsdag	11.00-12.30	Turgruppe med turleiar	Turar til ulike område av kommunen og nabokommunane. Turar på fastlandet startar med oppmøte på ferjekaia på Gossen kl. 10. Deltakarar frå Julsundet kan møte på kaia på Hollingsholmen kl. 10.30.

Aktiv på dagtid og aktiv senior - turplan

Turplan og praktisk informasjon om turane

Om turane

Nedanfor finn du turplanen for Aktiv på dagtid og Aktiv senior og litt praktisk informasjon kring turane. Turane går uansett vêr. Ta på eigna klede og sko, eventuelt kaffi/te og niste. Hugs piggsko eller broddar når det er is eller hard snø.

Skyss

Kontakt ein turleiar seinast kl. 9 på turdagen.

Turleiarar

Oppmøte

Du finn informasjon om stad og klokkeslett for oppmøte i turplanen nedanfor. OBS! Turar på Gossen startar som regel kl. 11, mens turar utanom Gossen startar kl. 10. Ved turar utanom Gossen kan deltakarar frå Julsundet avtale ein møteplass med turleiar.

Turplan Aktiv på dagtid og aktiv senior våren 2026

Turplan Aktiv på dagtid og aktiv senior våren 2026
Dato	Turmål	Oppmøtestad	Tid	StikkUT!-post
5. februar	Riksfjordremma	Ved skolen/start sti	11.00	Ja
12. februar	Aukraskogen - Tangeløypa	Kyrkjelydshuset	11.00	Ja
19. februar	Aukra kyststi og Rindarøya	Årgårdsvika	11.00	Ja
26. februar	Julneset	Aukra ferjekai	10.00	Ja
5. mars	Nyhamna til Gamlesjøen på Sæter	Parkeringsplass ved Skarhaugen Nyhamna	11.00
12. mars	Jærmannburet rundt om Nerbøstrand	Hoksneskrysset	11.00
19. mars	Smågevatnet - Brenslen - Gjengen frå Hustadvika kjem	Smågevatnet	11.00
26. mars	Elnestangen	Aukra ferjekai	10.00
9. april	Flyplassen - Oterhalsen	Parkeringsplass ved flyplassen	11.00	Ja
16. april	Sommarfjøshaugen - Eikremsfjørå	Pumpehuset på Eikrem	11.00
23. april	Halåssetra	Aukra ferjekai	10.00
30. april	Hoksnesfyret og evt. til vassbassenget ved Jærmannburet	Hoksneskrysset	11.00
7. mai	Ørnehaugen	Pumpehuset på Eikrem	11.00	Ja
21. mai	Hundetjønna	Aukra ferjekai	10.00	Ja
28. mai	Løvikremma - Løvik kystfort - evt. rundtur om Purkeneset	Løvikremma	11.00	Ja
4. juni	Solem - Smågevatnet - Ægarn	Solem 2-feltet	11.00
11. juni	Aukraskogen på kryss og tvers	Kyrkjelydshuset	11.00	Ja
18. juni	Skarvatnet rundt - avslutningstur med mat på Skarstua	Info kjem	Info kjem

Utstyr

Bassenggruppe: Ta med badeklede og vassflaske.
Turgruppe: Ta på egna klede og sko til utebruk, og gjerne niste og drikke.
Aukrahallen og Jendem treningssenter: Ta på egna klede og sko til innebruk. Hugs eige liggeunderlag, handduk og vassflaske.

Publisert 02.10.2018 15.36

Sist endra 29.04.2026 13.14

Kva leiter du etter?