Seksjonering og reseksjoneringSeksjonering er å dele opp ein bygningen i fleire eigarseksjonar, slik at fleire kan eige kvar delen sin av bygningen. Endringar av allereie seksjonerte eigedomar blir kalla reseksjonering. Kva eigedomar kan seksjonerast eller reseksjonerast? Alle bygde eigedomar som inneheld meir enn ein brukseining, kan seksjonerast eller reseksjonerast dersom dei oppfyller vilkåret til lova. Eigarseksjonane blir oppretta ved tinglysing om krav om seksjonering eller reseksjonering. Men før tinglysing kan skje skal kommunen, ved byggjesaksseksjonen, kontrollere at seksjoneringsvilkåra og reseksjoneringsvilkåra er oppfylte, og gi løyve. Korleis søkje om seksjonering eller reseksjonering? Ei seksjonering eller reseksjonering må starte med å sende ein søknad til kommunen. Byggjesaksseksjonen vil sende saka vidare til tinglysing dersom seksjonane utgjer lovlege brukseiningar. Søknadsskjema og rettleiing til søknadskjema finst på departementet si heimeside. Det er berre departementet sine skjema som kan brukast for å søkje om seksjonering eller reseksjonering. Vilkåra for seksjonering går fram av eigarseksjonslova § 7 og søknadsskjemaet. Vi gjer oppmerksam på at frå 01.01.2018 er det eit vilkår for seksjonering at kvar seksjon er ei lovleg etablert bueining etter plan- og bygningslova. Rettleiar for søknad om seksjonering Rettleiar for søknad om reseksjonering Vedlegg som skal følgje søknad om seksjonering og reseksjonering Vedlegg til søknad om seksjonering Situasjonsplan over eigedomen som tydeleg viser grensene til eigedomen, omrisset av busetnaden og grensene for eventuelle utandørs tilleggsdelar som skal inngå i brukseiningane. Planteikningar over etasjane i bygningen, inkludert kjellar og loft. På teikningane skal arealet til brukseiningane og avgrensingar, forslag til seksjonsnummer og bruken av dei einskilde romma, komme tydeleg fram. Sameiets vedtekter. Rekvisisjon av oppmålingsforretning dersom nokre av brukseiningane har utandørs tilleggsareal Dokumentasjon på at bustadseksjonar oppfyller krava til å vere sjølvstendige bueiningar etter plan- og bygningslova. Som regel vil slik dokumentasjon gå fram av løyve etter plan- og bygningslova, men også opplysingar frå matrikkelen, tinglyste klausular eller anna dokument kan tene som dokumentasjon. Samtykke frå rettshavar dersom det er tinglyst "urådighetserklæring" som går ut på at eigedomen ikkje kan disponerast over utan samtykke frå rettshavar. Samtykket må vere med original signatur. Dersom det er fleire heimelshavarar til eigedomen som skal seksjonerast, skal skjemaet "Fordeling av sameieandeler ved seksjonering" leggjast ved. Vedlegg til søknad om reseksjonering Gjeldande seksjoneringsteikningar over heile eigedomen, både situasjonskart og planteikningar. Desse kan bestillast hos Kartverket. Ny situasjonsplan over eigedomen ved endringar på bakkeplan. Dette gjeld både ved endringar av omrisset til busetnaden og endringar av grenser mellom utvendige tilleggsdelar eller fellesareal. Nye planteikningar over alle etasjar i bygningar, inkludert kjellar og loft kor det blir gjort endringar i grensene mellom brukseiningar eller fellesareal. Planteikningane skal tydeleg melde dei nye grensene for brukseiningane og bruken av dei einskilde romma. Rekvisisjon av oppmålingsforretning dersom brukseiningane skal ha nye/endra utandørs tilleggsdelar. Dokumentasjon på at alle bustadseksjonane er lovleg etablerte bueiningar etter plan- og bygningslova, jf. punkt 8. Som regel vil slik dokumentasjon gå fram av løyve etter plan- og bygningslova, men også opplysingar frå matrikkelen, tinglyste klausular eller anna dokument kan tene som dokumentasjon. Samtykke frå rettshavar dersom det er tinglyst "urådighetserklæring" som går ut på at seksjonen(e) ikkje kan disponerast over utan samtykke frå rettshavar. Samtykket må vere med original signatur. Samtykke frå bank/panthavar. Samtykke frå alle heimelshavarane i det utgåande eigarseksjonssameiget dersom reseksjoneringen gjeld samanslåing av to eller fleire eigarseksjonssameigar. Dokumentasjon som viser kven som kan underskrive på vegner av styret dersom det er nødvendig med samtykke frå årsmøte eller styrt, jf. punkt 12 i søknadsskjemaet. Saksbehandlingstid Kommunen skal behandle seksjoneringssøknaden og registrere seksjonen i matrikkelen innan 12 veker etter at komplett søknaden er motteken. Dersom kommunen overskrir fristen, blir seksjoneringsgebyret redusert med 25% per veke. Kva kostar det? Saksbehandlingsgebyret for seksjoneringssaker går fram av Aukra kommune sitt gebyrregulativ. For seksjonering av utandørs tilleggsdel, kjem i tillegg eit gebyr for oppmåling. Sjekk gebyr Klage Kommunen sitt vedtak om løyve eller avslag kan klagast til Fylkesmannen. Slik klagar du på eit enkeltvedtak Dette vedtaket er eit enkeltvedtak som du kan klage på. Klagefristen er 3 veker frå du fekk vedtaket frå kommunen. Klagen sender du enten per post til:Aukra kommuneNyjordvegen 126480 Aukraeller digitalt ved å bruke eDialog.Du kan òg sende klagen på e-post til post@aukra.kommune.no. Hugs å ikkje sende sensitiv informasjon på e-post. Sist endra 25.04.2024 10.26