Bæsj, tiss og dopapir er alt som skal i do

Avløpssystemet i Aukra kommune er som i dei fleste norske kommunar konstruert og dimensjonert for å ta seg av tre ting: bæsj, tiss og dopapir. Når det kjem andre ting inn i avløpssystema skaper det problem, både i leidningsnettet og på reinseanlegga.

Dette skal du ikkje kaste i do (lista er ikkje uttømmande):

• Våtserviettar
• Sminkefjerneserviettar
• Bomullpads
• Tanntråd
• Kontaktlinser
• Bind og tampongar
• Kondom
• Bleier
• Q-tips
• Hår og lo
• Matrestar - heller ikkje flytande matrestar
• Snus og sneip
• Fett
• Malingsvatn
• Medisinar

Kva er skjer om du kastar andre ting i do?

Kastar du avfall i doen, kan det føre til at røyra tettar. I verste fall kan pumpene bli øydelagt og må bli reparert eller skifta ut.

Kostnadene ved å rydde opp etter problem skapt av søppel i avløpssystemet er det alle abonnentane i vår kommune som må ta. I praksis betyr det at å kaste søppel i doen bidreg til auke av kommunale gebyr.