Informasjonspunkt for publikum og andre ved kriser

Når straum, internett eller mobilnett ikkje fungerer, kan det vere vanskeleg å få tilgang til viktig informasjon. Ved større hendingar kan kommunen derfor opprette informasjonspunkt der innbyggjarane og andre kan få oppdatert informasjon og nødvendig rettleiing.

Dersom mobil- og internettforbindinga fell bort, slik at du ikkje får kontakt med naudetatane, er det viktig å vite at det finst faste oppmøtestader der du kan få hjelp, informasjon og kontakt med hjelpeapparatet.

Kommunehuset er hovudoppmøtestaden i Aukra kommune ved kriser.

Informasjonspunkta skal vere ein stad der du kan få påliteleg informasjon direkte frå kommunen dersom dei vanlege kommunikasjonskanalane er utilgjengelege.

God eigenberedskap handlar òg om å ha ein plan for korleis du skaffar deg informasjon i ei krise. Det kan vere like viktig som å ha mat, vatn og andre nødvendige forsyningar.