Digital kafe

Ønsker du å lære meir om korleis du bruker smarttelefon, nettbrett eller korleis du navigerer på internett?

Aukra pensjonistlag og Aukra kommune inviterer alle som ønsker det til digital kafé. Det blir arrangert to samlingar kvart år. 

På digital kafé vil du møte våre supre instruktørar som har vore med oss kvart år, samt fleire kjempegode hjelpeinstruktørar frå pensjonistlaget. 

Program for hausten 2025

Rettleiingar frå Kakadu

Aukra kommune har tatt i bruk rettleiingsverktøyet frå Kakadu. Gjennom korte rettleiinga, vil du kunne få hjelp til å løyse ulike utfordringar. 

Du vil også finne detaljerte steg-for-steg rettleiingar for å nytta tenestene frå ulike bedrifter.

Aukra kommune sine rettleiingar

Lenke til Kakadu sine rettleiingar

Aktivere Talende web på kommunen si heimeside

Talande web har ei brukarvennleg verktøylinje som gir deg tilgang til informasjon på ulike måtar og på ulike språk.

Med Talende Web kan du mellom anna peike på den teksten du vil ha lese opp. Teksten som blir lesen opp blir markert visuelt for å gi deg ekstra lesestøtte, og for ekstra fokus kan du bruke leselinjal og nedtoning. Du bestemmer utsjånaden i teksten og korleis han skal lesast opp. Talende Web les opp alt frå nettsider til PDF-filer og vil du høyra på teksten offline, kan du lagra tekst som MP3-fil.

Talende Web kan omsetja tekst til 98 ulike språk og les på 40 ulike språk. Du kan aktivere Talende Web så snart du kjem inn på ein nettstad eller ein app, ved å klikke på Talende Web-ikonet.

Opne heimesida til Aukra kommune på www.aukra.kommune.no. Klikk på ikonet som ligg til høgre i toppmenyen, markert med gul farge på biletet nedanfor, for å slå på Talande Web.

Drop in på kommunehuset

Du kan også besøke kommunehuset i opningstidene for å be om hjelp. Om vi ikkje har tid til å hjelpe deg akkurat då, vil vi avtale tid med deg. 

Våre opningstider er kvardagar mellom kl. 10.00 og 14.00.