Rutine for fjernundervisning

Bruk av AV1-robot og Teams som hjelpemiddel i Aukraskolen

Formål med bruk av fjernundervisning

Formål med fjernundervisning er å tilby eit alternativ for elvar som ikkje er på skolen, å halde fram med skolegangen og halde kontakten med klassen. Fjernundervisning gjer det mogleg å gjennomføre undervisning sjølv når fysisk oppmøte ikkje er mogleg, som t.d. under pandemi eller ved langvarig fråvær. Fjernundervisning kan motverke ufrivilleg fråvær ved at eleven får ta del i skolekvardagen på ein alternativ måte og kan framleis ha kontakt med sine medelevar. Å tilby fjernundervisning kan vere ein veg tilbake til skolen.

Det er fleire måtar å gjennomføre fjernundervisning på. AV1-teknologien og Teams er to av hjelpemidla. Denne artikkelen tek føre seg bruk av AV1-teknologien.

Om AV1-teknologien

AV1 blir plassert på ein pult i klasserommet og eleven koplar seg opp på roboten gjennom nettbrettet eller telefon. AV1 har innebygd kamera, mikrofon og høgtalar, og den blir styrt gjennom appen, slik at eleven kan sjå og delta i det som går føre seg i heile klasserommet.

Dette lèt eleven delta i undervisninga på eigne premissar, og er utvikla for at eleven skal kunne ta del i heile skoleopplevinga. AV1 har støtte for 4G, og kan takast med ut i friminutt, på klasseturar eller bli med i bursdagsselskap.

Personvern og sikkerheit ved bruk av AV1-teknologien

AV1 overfører ein direktestraum frå roboten til eininga til eleven. Ingen data blir teke opp og overføringa er ende-til-endekryptert, som betyr at det er umogleg for eksterne, inkludert oss, å få tilgang til straumen.
Det er berre mogleg å bruke AV1 i sanntid. Det betyr at ein ikkje kan ta opp eller lagre ein videostraum. All data som blir send via nettbrettet og AV1 er kryptert, som betyr at ingen utanforståande kan få tilgang til det som blir sendt mellom barnet og roboten. Videostraumen blir send gjennom ein kryptert «tunnel» med ein nøkkel i begge endar. Denne straumen går direkte mellom nettbrettet og roboten, ikkje innom serverar. Dette gjer at utanforståande aldri kan avlytte kommunikasjonen. For å kommunisere med barnet som sit bak AV1, må ein vere til stades der det skjer, når det skjer.
Leverandør har ikkje høve til å hente ut videostraum mellom nettbrettet og roboten.

Om videostrømmen

Videostrømmen er ende-til-endekryptert.

Om lagring av personopplysningar

Leverandøren No Isolation treng ikkje, og ber ikkje om, noko personleg data om AV1-brukaren. Leverandøren lagrar berre kundedata (eksempelvis kontakinformasjon til skolen eller kommunen som har kjøpt AV1) for å prosessera ordrar og betaling.

Om skjermdump og opptak

Opptak eller skjermdump er ikkje tillaten. Det er ikkje mogleg å ta skjermbilete på ei Android-eining. Om ein prøver på ein iOS-eining får leverandør eit varsel, og minner på brukaren om at AV1-roboten blir stengd om ein prøver å ta skjermbilete. Viss ein prøver å kople AV1 til ein tv-skjerm eller liknande, blir tv-skjermen svart. Det er berre eleven som tilhøyrer klassen som kan følgje med gjennom AV1.

Klart synleg når AV1 er i bruk

Lærar og elevar vil tydeleg sjå at AV1 er i bruk ettersom hovudet vil løftast og auga lyser opp. AV1 overfører berre einvegs video. Det betyr at eleven som ikkje er i klasserommet kan sjå lærarar og
elevar, men lærarar og elevar kan ikkje sjå eleven som har robot.

Berre éin bruker

Berre éin bruker kan vere kopla til ein AV1-robot. Appen krev kode ved innlogging, og ein er forplikta å følgja No Isolation sine brukarvilkår. Vilkåra får ein presentert på ein enkel måte når ein koplar seg til i appen. Det er berre ein elev som kan bruke AV1-roboten om gongen. Eleven lagar eit personleg passord for å logge på AV1-en sin, og må stadfesta at det berre er eleven sjølv som kan passordet. I tillegg må eleven sine føresette skrive under på at det berre er barnet som kan bruke AV1. Om ein føresett skulle logge seg på AV1 er det eit kontraktsbrot.

Om behandlingsgrunnlaget

Kommunen treng ikkje å innhente samtykke frå lærarar for å kunne bruke roboten i fjernundervisninga. Skolen har ein plikt til å tilby tilfredsstillande opplæring til kvar enkelt elev. Dersom livestreamen/bruken av AV1 blir rekna som nødvendig for å oppfylle kommunen (skolen) sin plikt til å gi ein elev opplæring, sosialt samhald med meir, vil denne plikta også kunne utgjere rettsgrunnlag for å behandle personopplysningane til læraren, jf. opplæringsloven § 14-4 om fjernundervisning. Kommunen treng heller ikkje å innhente samtykke frå foreldre/føresette då behandlinga av personopplysningane er nødvendig for å oppfylle kravet til opplæring til eleven på ein tilfredsstillande måte.

Behandlingsgrunnlaget for behandling av personopplysningar i samband med fjernundervisning er personvernfororningen artikkel 6 f: Berettiget interesse, jf. Opplæringsloven § 15-10 og opplæringsloven § 25-1.