7 Foreldrebetaling

Maksimalgrensene for foreldrebetaling vert fastsett i stortinget i det årlege budsjettvedtaket. Kommunen fastsett administrativt foreldrebetaling for deltidstilbod.

Det vert kravd ekstra betaling for kost i barnehagane. Barnehagane sitt samarbeidsutval vurderer i samarbeid med styrar, satsen for kostbetaling.

Foreldrebetaling blir kravd inn med lik månadsbetaling over 11 månader i barnehageåret.

Barnehageplass vert sagt opp med éin månad varsel ved vesentleg misleghald av foreldrebetaling. Vesentleg misleghald er 3 månader med uteståande betaling. Om barnet mister barnehageplassen som følgje av misleghald med betaling, og det vert søkt på nytt for barnet, plikter kommunen å oppfylle retten til plass innan neste hovudopptak er gjennomført.

I samband med kontroll av utbetaling av kontantstøtte etter kontantstøttelova har kommunen register til bruk for NAV. 

(4. ledd endra 19. juni 2018, K-sak 43/18)