Pedagogisk-psykologisk teneste (PPT)

Pedagogisk psykologisk teneste (PPT) gir barn og foreldre råd og rettleiing om utvikling, opplæring, trivsel og tilpassing i heim, barnehage og skole.

Kva kan PPT hjelpe til med?

PPT utgreier og gir råd om barnet sitt behov for spesialpedagogisk hjelp i barnehagen og individuell tilrettelagt opplæring i grunnskolen. PPT er også sakkunnig for vaksne med behov for individuell tilrettelagt opplæring på grunnskolen sitt område.

Har du eit barn med behov for individuell tilrettelagt opplæring? Då tek du først kontakt med skolen eleven går på, eller skal gå på.

Aukra samarbeider med Molde kommune når det gjeld tilbod om PPT.

Kven har rett til individuell tilrettelagt opplæring?

Barn/vaksne som ikkje har eller kan få utbytte av det ordinære opplæringstilbodet, har rett til individuell tilrettelagt opplæring. Før vi kan fatte vedtak om individuell tilrettelagt opplæring, skal barnet ha fått ei sakkunnig vurdering frå PPT.

Krav til barnehagen og skolen

Før eit barn blir vist til PPT, må vi vurdere om vi kan tilby hjelp innanfor det ordinære opplæringstilbodet. Dersom det ikkje er tilstrekkeleg, skal vi kontakte PPT. Dette skjer i samråd med foreldra/føresette.

Slik går du fram for å kontakte PPT

Foreldre, føresette, helsestasjon, barnehagar, skolar og andre kan ta kontakt direkte ved behov for råd og hjelp.

Ta kontakt med barnehagen, skolen, helsestasjon, legen eller andre
Du/de vert kalla inn til ein samtale
Det vert gjort undersøkingar og tiltak vert prøvd ut
Melding vert sendt til PPT
PPT utarbeidar ein sakkunnig vurdering av behov for individuell tilrettelagt opplæring
Vi fattar vedtak om individuell tilrettelagt opplæring - dersom sakkunnig vurdering konkluderer med at ordinær opplæring ikkje er tilfredsstillande, skal vi fatte vedtak om individuell tilrettelagt opplæring
Barnet/eleven og føresette må samtykke
Barnet/eleven og føresette skal samtykke før enkeltvedtak om individuell tilrettelagt opplæring vert fatta