Sjåast vi på digital kafé?

Sjåast vi på digital kafé?

Aukra kommune og Aukra pensjonistlag har i samarbeid opna tilbodet «digital kafé» med det mål om å førebygge digitalt utanforskap.

Kvar tysdag frå kl. 18.00 til kl. 20.00 fram til 13. desember 2022 er det opent for alle som ønsker å lære meir om korleis navigere i den digitale verda. Tilbodet held til på Soltun Scene på Aukra kulturhus, og har svært låg terskel: det er ingen påmelding, og alle kan komme og gå som dei vil.

Vi har hatt to kafékveldar hittil, og tilbodet vart varmt teke i mot av brukarane. Det var høgt oppmøte av både besøkjande og frivillige frå kommunen, og stemninga har vore god rundt borda. Aktuelle tema er alt frå å laste ned appar, opprette e-postadresser, navigere mellom fanar i nettlesar og til korleis bruke word på iPad. Her er det brukarane som legg premissane.  

Sjåast vi neste tysdag?

Ordføraren og leiaren i Aukra pensjonistlag opnar digital kafé - Klikk for stort bilete
Kommunalsjef drift opnar digital kafé - Klikk for stort bilete
Besøkjande på digital kafé - Klikk for stort bilete
Ordførar Odd Jørgen Nilssen i samtale - Klikk for stort bilete
Besøkjande på digital kafé - Klikk for stort bilete
Besøkjande og kommunale tilsette - Klikk for stort bilete