Pårørandeskole våren 2022 - For pårørande til personar med demenssjukdomPå kurset får du kunnskap om demens, du treff andre pårørande i same situasjon og møter fagpersonar med kompetanse på området. Om pårørandeskolen Pårørandeskolen er eit gratis kurstilbod til deg som har eit familiemedlem, eller ein nær ven, med demenssjukdom. Personen med demens kan bu heime eller på institusjon. Gjennom faglege forelesningar, plenums- eller gruppesamtalar får du kunnskap kring demens, og innsikt i kva følgjer sjukdommen kan ha for personen med demens, deg som pårørande og familien. Du treff andre i same situasjon, og fagpersonar med kompetanse på området. Pårørandeskolen skal: Gje pårørande til personar med demenssjukdom auka kunnskap og forståing Betre kvaliteten på samværet med den sjuke, både heime og på institusjon Gje eit grunnlag, slik at pårørande betre kan handtere sin situasjon i forhold til familie og vener Gje kunnskap om lovar og rettar Gje kunnskap om korleis ein kan samhandle med det offentlege tenesteapparatet Dato, tid og stad Dato: Fem kveldar i tidsrommet 8. mars - 4. april 2022 (for konkrete datoar, sjå program) Tid: Kl. 17.30-20.00 Stad: Aukra omsorgssenter Program Program pårørandeskole våren 2022 Tysdag 8. mars "Om demenssjukdommar og fastlegen si rolle ved kommunelege Bjørn Otterlei Måndag 14. mars "Kommunikasjon og samhandling" ved Torunn Edøy, psykiatrisk sjukepleiar i demensteamet Molde kommune Måndag 21. mars "Juridiske forhold ved demenssjukdommar" ved Ann Lilly Orvik Måndag 28. mars "Om velferdsteknologi og andre hjelpemiddel" ved ergoterapeut Inger Videm Måndag 4. april "Når ein nær person vert sjuk" ved palliasjonskoordinator Felicia Thorshaug og sokneprest Finn Kristian Risung Vi serverer mat, kaffi og te. Påmelding Du kan melde deg på ved å ta kontakt med vår demenskoordinator Merete Lofstad. Kontakt Merete Frist Frist for påmelding er fredag 4. mars 2022. Kva kostar det? Tilbodet er gratis. Sist endra 21.02.2022 10.31