Aukradagen 2023

Laurdag 10. juni vil vi stå klar til å ønskje deg velkommen. I år gler vi oss ekstra til å ta i bruk Aukra kulturhus, og ikkje minst det fine området i sentrum på Falkhytten. Aukradagen 2023 vil ha fokus på tema som berekraft, gjenbruk og redesign. Det blir utstilling, verkstad, lopper og mykje meir.  Vi blir glad om fleire også vil rette eit fokus på dette denne dagen. 

Marknadsplassen og utescena: Marknadsplassen har kvart einaste år hatt stor deltaking - og i år har vi trua på at det vil bli endå fleire. Klarer vi å sette deltakarrekord? Det hadde vore fantastisk! Meld deg på - anten som utstillar eller med ei framføring på utescena. Vi ønskjer lag, organisasjonar, bedrifter og enkeltpersonar hjarteleg velkommen til Aukradagen! 

Foreløpig program for Aukradagen

• Kl. 10.00-11.30 Velkommen til frukost
• Kl. 10.00-16.00 Marknadsplassen er open
• Kl. 11.00-16.00 Konsert på utescena
• Kl. 10.00-16.00 Bakluke-loppis
• Kl. 20.30-01.00 Konsert med Dance with a Stranger, utescene - arrangert av Vennelaget - Aukra kulturhus - OBS! I samband med konserten er det sett opp ekstra ferjeavgang frå Aukra til Hollingsholmen kl. 1.00 natt til søndag 11. juni. Buss frå Aukra kulturhus til ferjekaia er kl. 00.45.

Påmeldingsfrist

Påmeldingsfrist for marknadsplassen og utescena er 22. mai 2023. 

Bakluke-loppis

Gossen bygdekvinnelag og Aukra frivilligsentral arrangerer bakluke-loppis på Aukradagen. Du kjem med eigen bil/bord og vil få ein parkeringsplass i sentrum. Her kan du selje alt av små og store loppar. Rydd i kjellar og loft, og la tinga dine få nye eigarar! Bakluke-loppisen skal vere frå kl. 10-16. Det er berre 25 plassar, så det er førstemann til mølla. Gratis å delta. Påmelding innan 15. mai på e-post til Linn Blomvågnes i Gossen bygdekvinnelag linn_vangen@hotmail.com.

Les meir og meld deg på

Les meir om Aukradagen

Påmelding Aukradagen