I samband med Internasjonal veke kjem Aiman Shaqura og held foredrag om inkludering og innovasjon!
Aiman Shaqura kom til Noreg som flyktning. I dag er han ein suksessrik forretningsmann, utdanna siviløkonom og meistringscoach. Han brenn for å hjelpe medmenneske til suksess på ulike arenaer. Han er mannen bak suksessfulle prosjekt som “Give a Job” og “Charge Inclubator”, og inspirerer no fleire til å satse på mangfald!
Aiman Shaqura hadde ein brå start på livet. Fødd som palestinsk flyktning midt i ei blodig krigssone i Beirut, og vidare på flukt innom fleire land i Afrika, Midtausten og Europa i ein 10-årsperiode, før han og familien landa i Noreg i 1991. Han gjekk frå å pusse sko, pante flasker og selje julenek frå dør til dør som liten gutunge, til etter kvart å gründe fleire selskap med ei total omsetning på over 100 millionar kroner på nokre få år. Trass i manglande skulegang i ung alder er han i dag utdanna siviløkonom frå England, mental trenar og han har òg spesialisert seg på snuoperasjonar. Aimans hjartesaker er innovasjon og sosial berekraft. Han står mellom anna bak Noregs største inkluderingsdugnad, Give a Job, saman med Arne Hjeltnes, Startup inkubatoren Charge og fleire andre tiltak som har fått internasjonal merksemd av FN og Europarådet.
Du kan lese meir om Aiman Shaqura på nettsida hans.
Kom å høyr på eit interessant, spennande og lærerikt foredrag!
Gratis arrangement.